آیات محبوب کتاب مقدس از Tito 3

به اشتراک گذاشتن

ꞌE te ꞌAtua, kope toꞌo i a tātou mai roto i te ūtuꞌa o te hara, i haka takeꞌa rō mai i tōꞌona riva ꞌe i tōꞌona haŋa. ꞌE, ka ai atu ꞌina e tahi meꞌe riva-riva o tātou i aŋa, te ꞌAtua, ꞌi tōꞌona haka ꞌaroha, ko haka eꞌa ꞌā i a tātou mai roto i te ūtuꞌa o te hara hai haka maꞌitaki i te tātou māhatu ꞌe hai vaꞌai mai i te ora ꞌe ꞌi te noho iŋa ꞌāpī hai ⌊Vārua Maitai⌋. Te ꞌAtua, i vaꞌai mai ai i te Vārua Maitai hai Ietū Kiritō, kope haka eꞌa i a tātou mai roto i te ūtuꞌa o te hara, ki aŋi-aŋi riva-riva ai e tātou: pe muꞌa ka oho ena e ravaꞌa rō e tātou i te ora ꞌāpī ꞌina he hopeꞌa raꞌa vaꞌai e te ꞌAtua, pa he hauhaꞌa haka rē e te matuꞌa mo tāꞌana poki. ꞌE e ꞌite nei e tātou i nei meꞌe ꞌo te ai, ꞌi tōꞌona riva rahi, i kī ai e te ꞌAtua: a tātou he nuꞌu tano ki tōꞌona mata.

E Tito, e haka manaꞌu ki te taina: ꞌina ko rehu i a rāua mo haꞌatura ki te nuꞌu pūꞌoko haka tere henua ꞌe ki te nuꞌu ra-rahi, ꞌe mo riro o rāua he nuꞌu ko rito era ꞌā mo aŋa i te meꞌe riva-riva, nuꞌu taꞌe vānaŋa ꞌino mo te rua, taꞌe moto, riva, ꞌe ꞌite i te moꞌa i te nuꞌu taꞌatoꞌa.

E Tito, ꞌina koe ko haka māuꞌa tuꞌu hora ki te tātake tahaŋa o ruŋa i te hakaara tupuna ꞌe o ruŋa i te ⌊haka tere iŋa era ꞌa Mōtē⌋; ꞌina, paꞌi, e tahi meꞌe riva-riva mo ravaꞌa.

Mo haka topa kē-kē o te kope e tahi i te nuꞌu haka moe i te manaꞌu ꞌi ruŋa i a Ietū, e ture. Ana taꞌe haka roŋo atu, e ture haka ꞌou. ꞌE mo taꞌe haka roŋo mau atu ꞌā, ka haka eꞌa mai roto i te nuꞌu ena.