آیات محبوب کتاب مقدس از Meꞌe Haka Takeꞌa 2

به اشتراک گذاشتن

’Ka ai atu pē ira, e ai rō ꞌana tāꞌaku ture māꞌau: he taꞌe haŋa haka ꞌou mai ōꞌou ki a au ꞌe ki te rua pa he oho iŋa era o muꞌa ꞌā, hora haka moe raꞌe era ōꞌou i te manaꞌu ꞌi ruŋa i a au.

E manaꞌu koe pē hē te rahi o tuꞌu haŋa ꞌi rā hora, ꞌe ꞌai ka huri haka ꞌou rō tuꞌu manaꞌu. Te meꞌe aŋa era e koe ꞌi muꞌa ꞌā ka aŋa haka ꞌou, ꞌo oho rō atu a au he toꞌo i taꞌa hakariꞌi ena mai tōꞌona kona.

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te ⌊Vārua Maitai⌋ ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero he vaꞌai e au mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa ꞌi te kona era o te ꞌAtua’”.

‘E ꞌite tahi rō ꞌana a au i taꞌa meꞌe aŋa. E aŋi-aŋi rō ꞌana i te paŋahaꞌa o taꞌa aŋa, i te haꞌaoromaꞌi iŋa ōꞌou i te ꞌati hai haumārū, ꞌe i tuꞌu taꞌe haŋa ki te nuꞌu aŋa i te meꞌe taꞌe tano. E ꞌite takoꞌa rō ꞌana a au i haka ꞌatu rō koe i te nuꞌu kī he ꞌāpōtoro rāua, ꞌe te parautiꞌa mau, taꞌe pē ira; ko maꞌurima ꞌana, paꞌi, e koe he reo-reo.

I ꞌamo i oho nō koe i te ꞌati ꞌo te ai ōꞌou ꞌāꞌaku, ꞌe ꞌina kai hōriŋa, ko te haka moe ko te oho iŋa ꞌana a koe i tuꞌu manaꞌu ꞌi ruŋa i a au.

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te Vārua Maitai ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero he vaꞌai e au i te kai he ⌊mānā⌋ naꞌa era. ꞌE he vaꞌai takoꞌa e au e tahi māꞌea tea-tea ꞌi ruŋa e pāpaꞌi rō ꞌā te ꞌīŋoa ꞌāpī e tahi, ꞌe ꞌina he rua kope ꞌite i rā ꞌīŋoa, ko te kope nō era i a ia rā māꞌea’”.