آیات محبوب کتاب مقدس از ꞌEvereo 9

به اشتراک گذاشتن

Pē ira takoꞌa a Ietū Kiritō: e tahi mau nō vaꞌai iŋa i a ia mo mate pa he tūtia mo haka kore i te hara o te nuꞌu. ꞌE pe muꞌa ka oho ena he tuꞌu haka ꞌou mai a Ietū taꞌe ꞌō mo vaꞌai haka ꞌou i a ia pa he tūtia mo te hara o te taŋata, mo vaꞌai ki te nuꞌu tiaki ki a ia i te ora ꞌāpī ꞌina he hopeꞌa raꞌa.

ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.

E tahi mau nō mate iŋa o tātou o te taŋata ꞌe ki oti ka kī mai ena e te ꞌAtua i te tano ꞌe i te taꞌe tano o te tātou meꞌe aŋa.

Ki te haka tere iŋa era ꞌa Mōtē, te rahi raꞌa o te meꞌe e haka maꞌitaki era hai toto. ꞌE ꞌina e ko haka kore i te hara mo taꞌe tehe o te toto.

ꞌO ira, ꞌi te haka tere iŋa ꞌāpī nei, a Ietū he kope haka riva-riva i te taŋata ki te ꞌAtua, ki ravaꞌa ai e te nuꞌu kī e te ꞌAtua mo taŋata ꞌāꞌana i te meꞌe taꞌatoꞌa ꞌina he hopeꞌa raꞌa hōrea e ia mo rāua. A Ietū Kiritō, paꞌi, i mate ai mo haka eꞌa takoꞌa mai roto i te ūtuꞌa o te hara i te taŋata hara o te haka tere iŋa raꞌe era.