آیات محبوب کتاب مقدس از 2 Tētārōnika 3

به اشتراک گذاشتن

Ka ai atu pē ira, te tātou Pūꞌoko Haka Tere ko Ietū e ko taꞌe haka tano i tāꞌana meꞌe kī, ꞌe māꞌana e haka pūai ꞌe e hāpaꞌo atu ꞌo haka hara i a kōrua e Rukifero.

ꞌE mo te tātou Pūꞌoko Haka Tere ko Ietū e hāꞌūꞌū atu mo aŋi-aŋi i te rahi o te haŋa o te ꞌAtua ki a kōrua ꞌe mo ꞌite o kōrua mo haꞌaoromaꞌi hai pūai ꞌi te hora o te ꞌati, pa he oho iŋa era ōꞌona.

E te taina, he kī atu a mātou hai ꞌīŋoa o te tātou Pūꞌoko Haka Tere ko Ietū Kiritō: mo ai ꞌi roto i a kōrua e tahi taina hupe-hupe taꞌe haka tere i a ia hai meꞌe hāpī atu era e mātou, e haka tapa kōrua mai muri.

E pure takoꞌa kōrua mo hāpaꞌo mai i a mātou e te ꞌAtua, ꞌo raveꞌino mai e te nuꞌu taꞌe haŋa ki a ia; taꞌe, paꞌi, taꞌatoꞌa taŋata ŋaroꞌa i te ⌊roŋo riva-riva o ruŋa i a Ietū⌋ e haka moe ena i te manaꞌu ꞌi ruŋa i a ia.