آیات محبوب کتاب مقدس از 1 Kōrinto 1

به اشتراک گذاشتن

I haꞌataꞌa ai e te ꞌAtua i te taŋata māꞌana hai nuꞌu taꞌe hāpī ꞌe taꞌe mārama-rama rahi, ki te manaꞌu taŋata, mo haka haꞌamā i te nuꞌu hāpī rahi. I haꞌataꞌa takoꞌa rō i te nuꞌu taꞌe pūai, ki te kī o te taŋata, mo haka haꞌamā i te nuꞌu pūai.

Te roŋo o te mate o Ietū ꞌi ruŋa i te tātaurō he meꞌe maꞌa-maꞌa nō atu e tahi mo te nuꞌu ꞌi ruŋa i a rāua ka topa ena te ūtuꞌa o te ꞌAtua. ꞌE mo tātou mo te nuꞌu eꞌa mai roto i te ūtuꞌa o te hara he pūai o te ꞌAtua.

Te meꞌe aŋa e te ꞌAtua tuꞌu pa he meꞌe maꞌa-maꞌa e tahi mo te taŋata, he meꞌe ꞌata hau rō atu ꞌi te mārama-rama ki te manaꞌu mārama-rama taꞌatoꞌa o te taŋata. ꞌE te meꞌe o te ꞌAtua tuꞌu pa he meꞌe taꞌe pūai, he meꞌe ꞌata hau rō atu i te pūai ki te pūai taꞌatoꞌa o te taŋata.

ꞌE te ꞌAtua e ko taꞌe haka tano i tāꞌana meꞌe kī. ꞌĀꞌana, paꞌi, i haꞌataꞌa i a kōrua mo nuꞌu o tāꞌana Poki ko Ietū Kiritō, Pūꞌoko Haka Tere o tātou.

E te taina, hai ꞌīŋoa o te tātou Pūꞌoko Haka Tere ko Ietū Kiritō he ani atu a au mo ai o kōrua taꞌatoꞌa e tahi mau nō manaꞌu, ꞌe ꞌina ko haka topa kē-kē. E noho kōrua taꞌatoꞌa ꞌi roto i te haumārū, e tahi mau nō manaꞌu ꞌe e tahi mau nō meꞌe haŋa mo aŋa.

¿ꞌI hē i hopeꞌa ai te nuꞌu mārama-rama, te ⌊maꞌori o te haka tere hūrio⌋ ꞌe te kope haka kē mo vānaŋa i te meꞌe o te ao nei? Ko haka ꞌite mai ꞌā e te ꞌAtua: mōꞌona ꞌina e tahi hauhaꞌa te mārama-rama o te taŋata.