آیات محبوب کتاب مقدس از Апостол Якъубэ тхылъэу ытхыгъэр 4

به اشتراک گذاشتن

Арышъ, Тхьэм шъуфэӀорышӀ. Шэйтаным шъупэуцуи, шъуапашъхьэ икӀынышъ, кӀитхъужьыщт.

Тхьэм пэгъунэгъу шъухъуи, ежьыри къышъупэгъунэгъу хъущт. ШъуӀэхэр жъугъэкъабзэх, шъо, псэкӀод зышӀэхэрэм, шъугухэр жъугъэкъабзэх, шъо теубытагъэ зимыӀэхэу, акъыл тӀуанэхэр зиӀэхэм.

Тхьэм ыпашъхьэ зыщыжъугъэцӀыкӀуи, ежьыри шъукъыӀэтыщт.

Ау тыгухэм арылъым нахьи, Тхьэм ынэшӀу щыфэныгъэ нахь ин. Арышъ, Тхьэм игущыӀэ тхыгъэхэм моущтэу арыт: «Тхьэр пэгагъэ зыгу илъ цӀыфым пэуцужьы, ау пэгагъэ зыгу имылъым ынэшӀу къыщефэ».

Арышъ, шӀугъэу ыгъэцэкӀэн фаер гурыӀо пэтми, зымыгъэцакӀэрэм псэкӀод ешӀэ.

Тхьэм шъуелъэӀуми, зи къышъуитырэп, сыда пӀомэ, Ӏэягъэ шъугухэм арылъэу, шъугухэр зыкӀэхъопсырэ Ӏофхэм атежъугъэкӀодыныр ары Тхьэм шъузфелъэӀурэр.

Шъо зинэ зышӀэхэрэм шъуафэд. Мы дунаим ныбджэгъу шъуфэхъуным Тхьэм пый шъуфэхъуныр ары къикӀырэр, шъошӀэба ар? Аущтэу хэти дунаим ныбджэгъу фэхъунэу фаер Тхьэм пый фэхъу.

Ау неущ хъущтыр шъушӀэрэп. ШъуищыӀэныгъэ сыд фэда? Зы тӀэкӀурэ къэлъагъоу, етӀанэ кӀодыжьырэ пахъэм шъуфэд.