آیات محبوب کتاب مقدس از Апостол Петрэ апэрэ тхылъэу ытхыгъэр 1

به اشتراک گذاشتن

Тхьэу, ти Зиусхьан Исус Христос я Тэ щытхъушхор ий! Исус лӀагъэхэм къызэрахигъэтэджыкӀыжьыгъэмкӀэ Тхьэм игукӀэгъушхокӀэ икӀэрыкӀэу тыкъалъфыжьыгъэу тигъэхъугъ. Аущтэу мыкӀодыжьын гугъапӀэ тиӀэ хъугъэ, ӀахьышӀоу Тхьэм ицӀыфхэм афигъэхьазырыгъэри къытлъыӀэсыщт. А мыкӀодыжьын ӀахьышӀоу щыкӀагъэ зимыӀэу, зэрэщытэу къанэрэр Тхьэм уашъом къыщышъуфеухъумэ.

Арышъ, зы тӀэкӀурэ къин зэфэшъхьаф зэрэшъущэчырэм пае, джы шъугу къеон фаеми, шъугушӀу. А къинхэр зыфэшъущэчыхэрэр шъуишӀошъхъуныгъэ загъэунэфыхэкӀэ, ащ ишъыпкъагъэ нафэ хъуныр ары. Дышъэм ишъыпкъагъэ машӀомкӀэ агъэунэфыми, а дышъэр кӀодыжьыщт. ШъуишӀошъхъуныгъэ а дышъэм нахьи нахь лъапӀ. Аущтэу Исус Христос къызыкӀожьыщт мафэм шъуишӀошъхъуныгъэ ишъыпкъагъэ пае, Тхьэм шъхьэкӀафи, щытхъуи, лъытэныгъи къышъуфишӀыщт.

Ау Тхьэу зибынхэм ащыщ шъухъунэу къышъоджагъэр зэрэлъапӀэм фэдэу, шъори шъугу лъапӀэу, шъугу къабзэу шъушӀэрэ пстэури шъушӀэ. Сыда пӀомэ, Тхьэм къызэриӀорэр игущыӀэ тхыгъэхэм арыт: «Сэ сызэрэлъапӀэм пае, шъори шъулъэпӀэн фае».

Шъыпкъэр зыфэдэр шъумышӀэу, шъуихъопсэ Ӏаехэм шъукъызэрэращэкӀыщтыгъэм фэдэу, джы сабый ӀорышӀэхэм афэдэу зыкъыряшъумыгъэщэкӀ.

Арышъ, шъуицыякӀэхэр дэупкӀагъэхэу, шъугухэмкӀэ шъухьазырэу шъущыт. ЩэӀагъэ зижъугъаӀ. Исус Христос къызыкӀожьыщт мафэм Тхьэм ынэшӀу къызэрэшъущифэщтым шъуишъыпкъэу шъущыгугъэу шъупаплъ.

Сыда пӀомэ, Тхьэм игущыӀэ тхыгъэхэм зэрарытэу, «ЦӀыф пстэури уцым фэд, зэкӀэ ящытхъуи уцым икъэгъагъэ фэд. Уцыр мэгъужьы, къэгъагъэри мэкӀодыжьы. Ау Тхьэм игущыӀэхэр мыкӀодыжьхэу егъашӀэм къэнэх». А гущыӀэхэр ары Тхьэм иӀорышӀэхэм къышъуагъэӀугъэхэр.