آیات محبوب کتاب مقدس از Aposolo 5

به اشتراک گذاشتن

Pidama꞉ mo aposolo haliweki ame̱le̱ hata꞉ ipika꞉ pi hombo peaaso alota꞉ Nikana꞉ma꞉ta꞉ haliwekina꞉ pi amba꞉la na opiki Koda꞉na꞉ pi opua꞉pa꞉peke ya꞉la꞉me.

Kutupa tembolo da pa꞉ta꞉ make wanda꞉halina꞉ da pa꞉ta꞉manu make mo haliwekima꞉ hande Yesuta꞉ ota꞉ Ketiso hala꞉me laa mo Pi Seliapo nate paeyao wala꞉tiki pu haemekeme.

Kutu piekepate Pidama꞉ alota꞉ A꞉na꞉naisio. Ekipeke Holi Sipitidi pa꞉ta꞉ yayapiki pi alepe leekeme. Sadani naka꞉ you pa꞉ta꞉ a꞉pa pita꞉ka꞉na꞉ mo naka꞉ kenkena꞉ mele manita꞉ pa ekipeke mandaneeki panka꞉ wina꞉ laa pipe leekeme. Amba꞉ nakana꞉ma꞉ wia hae dina꞉ta꞉ naka꞉eki na yekepe leekeme. Kutupa mo hambena꞉ le dina꞉ make mo manita꞉ naka꞉ honkopuna꞉ kone na pelepe leekeme. Nakana꞉ma꞉ hali pa꞉ta꞉ yayapiki hau na pelepate Koda꞉ pa꞉ta꞉ kone peleme. Do hauta꞉ ekipa handa꞉ wia pelepe leekeme. Do leeke ekimanu opuaata꞉ A꞉na꞉naisi kenkena꞉ honda꞉pa lopa homeekeme. Kutupa koto hao yapeeke haliwekima꞉ doeki opimiki haliwekima꞉ make paala꞉ma꞉ homolo hata꞉ leke opo handa꞉hake wimikime.

Koto ekina꞉ ame make do pita꞉la꞉ ekima꞉ I̱ma꞉ iki pa꞉ta꞉ do alome. Do haliweki pa꞉ta꞉ ikana꞉ma꞉ hau ma꞉nda꞉ na pea꞉pa꞉peke. Pa haena꞉ paape. Do ekina꞉yeke loa꞉me. Do haliweki ika꞉ piteleme hau manuta꞉ kenke halima꞉ hone wia ika꞉ e walea꞉ka꞉na꞉ta꞉ kota꞉ pa alema꞉ handilieke. Kutu pulu pia꞉pate Koda꞉ma꞉ pina꞉ lea꞉ka꞉na꞉ta꞉ kota꞉ ikana꞉ma꞉ mo haliweki bepolaapeke na ya꞉la꞉me. Kutu pimika꞉na꞉ta꞉ Koda꞉ ame̱le̱ a꞉nda꞉ lita꞉la꞉eki handilimikie leekeme. Kamalielema꞉ mana꞉ leeke pita꞉ mo ka̱le̱sete haliwekima꞉ opimikime.