آیات محبوب کتاب مقدس از Паччагьлугъар-4 20

به اشتراک گذاشتن

– Кьяляхъ хъадарк ва Йиз халкьдин регьбер Хизкьийиз йип: «Гьамци кӀура яв арха Давуддин Заанур вуйи РАББИЙИ: Узуз яв ккарагуб гъеебхьунзуз ва яв нивгъар гъяркъюнзуз. Узу уву сагъ апӀидиза. СаритӀ уву РАББИЙИН Хулаз гъягъидива.

– КӀваин апӀин, я РАББИ, узу Яв улихь вафалуди фици гъягъюйиш ва Яв улариъ гьякь вуйиб вари марцци кӀваантӀан апӀуйиш! Ва Хизкьи яманди гъишнийи.

Думу йигъари Хизкьи иццру гъахьнийи ва йикӀру гьялнахъна дуфнайи. Амоцдин бай Ешая пайгъамбар дугъахьна гъафнийи ва гъапнийи: – Гьамци кӀура РАББИЙИ: «Яв хулан гьякьнаан амур апӀин, гьаз гъапиш уву кечмиш шулава, уву сагъ хьидарва».

Узу яв уьмриин йицӀихьуд йис иливидиза. Узу уву ва гьаму шагьур Ашурдин хилхьан азад апӀидиза. Узу бадали ва Йиз лукӀ Давуд бадали Узу гьаму шагьур къутармиш апӀидиза».