آیات محبوب کتاب مقدس از Мүсүрден чыкыш 2

به اشتراک گذاشتن

Худай оларың налышыны эшитди ве Ол Ыбрайым, Ысхак ве Якуп билен эден әхтини ядына салды. Худай ысрайыллара назар салып, оларың хал-ахвалларының нәхилидигине дүшүнди.

Көп вагтың гечмеги билен Мүсүр патышасы дүнйәден өтди. Ысрайыллар болса хениз хем гулчулыкда эзилйәндиклеринден налап, көмек сорап перят этдилер. Оларың зулум астында эдйән ахы-наласы Худая барып етди.

Чага өсүп кемала геленде, ол оны фараоның гызының янына гетирйәр ве фараоның гызы оны өзүне огуллыга аляр. Ол: «Мен муны сувдан чыкардым» дийип, онуң адына Муса дакяр.

Фараоның гызы ол аяла: «Шу чаганы әкит-де, муңа энекелик эт. Мен сениң хакыңы төләрин» диййәр. Шейлеликде, бу аял чаганы әкидип, оңа энекелик эдйәр.

Шол вагт фараоның гызы деря сува дүшмәге гелди. Онуң кенизлери болса деряның кенарында айланып йөрдүлер. Бирденкә фараоның гызы гамышларың арасындакы себеди гөрүп, оны гетирмәге кенизлериң бирини иберйәр.

Муса йигит чыкандан соң, бир гүн өз халкы болан еврейлериң арасына айланмага чыкды ве оларың агыр иш зерарлы чекйән җебрини гөрди. Ол бир мүсүрлиниң өз халкындан болан бир еврейи енҗип дураныны гөрди. Муса эйлесине-бейлесине гөз гездирди, хич киме гөзи дүшмәнсоң, ол яңкы мүсүрлини өлдүрди ве онуң җеседини чәгә гөмүп гизледи.