آیات محبوب کتاب مقدس از โรม 14

به اشتراک گذاشتن

ย้อน​แผ่นดิน​ของ​พระเจ้า​นั้น บ่เกี่ยวกับ​ก๋าน​กิ๋น​ก๋าน​ดื่ม​แต่​เป๋น​เรื่อง​ก๋าน​เยียะ​ตวย​ต๋าม​จีวิต​ตี้​ถูกต้อง​ต๋าม​ธรรม เรื่อง​สันติสุข กับ​เรื่อง​ความ​จื้นจม​ยินดี​ตี้​มา​จาก​พระวิญญาณ​บริสุทธิ์ คน​ตี้​ฮับใจ๊​พระเยซู​คริสต์​จาอี้ จะ​เยียะ​หื้อ​พระเจ้า​เปิงใจ๋​เขา กับ​คน​ตังหลาย​ก็​หัน​ดี​หัน​งาม​ตวย

ถ้า​หมู่​เฮา​มี​จีวิต​อยู่​ก็​อยู่​เปื้อ​องค์​พระผู้เป๋นเจ้า ถ้า​เฮา​ต๋าย​ก็​ต๋าย​เปื้อ​องค์​พระผู้เป๋นเจ้า ย้อนจาอั้น​บ่ว่า​เฮา​จะ​มี​จีวิต​อยู่​กา​ว่า​จะ​ต๋าย เฮา​ก็​เป๋น​คน​ของ​องค์​พระ​ผู้​เป๋น​เจ้า

ย้อนจาอั้น​ขอ​หื้อ​เฮา​ตังหลาย​อุตส่าห์​เยียะ​ใน​สิ่ง​ตี้​เยียะ​หื้อ​มี​สันติสุข​กับ​จ้วย​กั๋น​หื้อ​มี​ความ​เจื้อ​ตี้​มั่นคง​ขึ้น

ถ้า​จาอั้น​หื้อ​เฮา​เลิก​ตัดสิน​กั๋น​เต๊อะ​เน่อ แต่​หื้อ​ตัดสิน​ใจ๋​เอง​ว่า​จะ​บ่เยียะ​อะหยัง​หื้อ​ปี้น้อง​ผู้เจื้อ​ของ​ต้าน​เยียะ​บาป

ต๋าม​ตี้​มี​เขียน​ใน​พระคัมภีร์​ว่า “องค์​พระ​ผู้​เป๋น​เจ้า​อู้​ว่า ‘เฮา​มี​จีวิต​อยู่​แน่นอน​จาใด ก็​หื้อ​แน่​ใจ๋​จาอั้น​ว่า’ กู้​คน​จะ​คุก​เข่า​ลง​นมัสก๋าน​เฮา กับ กู้​คน​จะ​ยอมฮับ​ว่า​เฮา​เป๋น​พระเจ้า” จาอั้น​เฮา​แต่​ละ​คน​จะ​ต้อง​รายงาน​เรื่อง​ของ​ตั๋ว​เก่า​ต่อ​พระเจ้า

หื้อ​ยอมฮับ​คน​ตี้​ยัง​มี​ความ​เจื้อ​หน้อย​อยู่ บ่ดี​เถียง​กั๋น​เกี่ยว​กับ​เรื่อง​กำกึ๊ด​ตี้​ต่าง​กั๋น

ต้าน​เป๋น​ใผ​ตี้​จะ​ตัดสิน​คน​ฮับใจ๊​ของ​คน​อื่น คน​ฮับใจ๊​คน​นั้น​จะ​ได้​ดี​กาว่า​หล้มจ๋ม​ก็​อยู่​ตี้​นาย​ของ​เขา เขา​จะ​ได้​ดี​แน่นอน​ย้อน​องค์​พระผู้เป๋นเจ้า​เยียะ​หื้อ​เขา​ได้​ดี​ได้