آیات محبوب کتاب مقدس از Potdohbu 9

به اشتراک گذاشتن

Chule kathahat nahi nangma vetsah nading le kamin hi vannoi leiset pumpi-a phondoh-a aumna dinga, hiche jeh tah-a hi nangma katundoh nahi.

Chujouvin Pakaiyin Mosi henga, Pharaoh koma lutnin lang ajah-a, Hebrew mite Pakai Pathen'in hitin aseije, Keima eihou theina diuvin kamite chu soldoh tan.

Ajehchu nangma le namite chu hise-a kajep theina dinguva, tu-a hi keiman kakhut kalhandoh ding: chule nangma leisetna kona paidoh-a naum ding ahi.

Ven, loujaova um naganchaho chung, sakol ho, sanganho, sangongsang ho, bongchalho, kelngoiho chungah Pakai khut chuding: gancha pul khohtah langding ahi. Chule Pakaiyin Israel mite gancha honle Egypt mite gancha hon chu achomkhen ding: chule Israel chate-a poupou chu khatcha jong thilou ding ahi, tin gaseijin, ati.

Ven, jing nikho tuphat tah hile Egypt gam kiphudoh-a pat tuchan geija anaumkha louhel, gel nasatah chu kahin juhsah ding ahi. Hijeh chun tun mi solinlang, loujaova um nagancha jouse gakhop khom sah-in; ajehchu in'a kipuilut louva loujaova um mihemle gancha chung jouse-a chu gel hunglha ding, amaho chu thiding ahiuve, gatin, ati.

Hichu Egypt gamsung jouse-a leivuinel soh ding, Egypt gamsung pumpi-a mihem chungle gancha chunga uilut le mase nasatah chaljal ding ahi, ati. Chuin amanin thuh sunga vut chu ahamlhonin, Pharaoh angsunga ading lhonin; chuin Mosi'n hichu van lama athen ahile, mihemle gancha chunga chun uilut ahungsoh tan, mase khohtah achaljal tan ahi.