آیات محبوب کتاب مقدس از Potdohbu 5

به اشتراک گذاشتن

Chuche jouchun Mosi le Aaron alut lhonin, Pharaoh henga, Israel Pakai Pathen'in hitin aseije, gamthipma keima dinga Kut aboltheina diuvin kamite solin ati, tin asei lhonin ahi.

Ajehchu Pharaoh henga namina thusei dinga kahunga pat hin, aman hiche mite chunga thilse abol jingin; chule nangman jong namite nahuhdoh hihhelin ahi, ati.

Chuin Mosi Pakai henga akinungle kitnin, Pakai, ipi dinga hiche mite chungahi phalou tah-a na natoh ham? Ipi dinga neisol ham?

Ahinla Pharaoh'in, Pakai chu koi hija, keiman athu kangaija Israelte kasoldoh ding ham? Keiman Pakai chu kahepon, Israelte jong kasoldoh louding ahi, ati.

Chule tumasanga acheh denjiu jatjat chu nadensah jing dingu: hichea kona chu nalhomsah loudiu ahi: ajehchu amaho thaseuva ahi; hijeh-a, Ka-Pathen'u henga ganlhaina gabol dingin neisolun tia pengu ahi. Hahsa tah-a atoh diuvin chuche miho chunga chun natoh hahsacheh koibe peh-un; amahon thumanlou ngaisah daohen, ati.