آیات محبوب کتاب مقدس از Potdohbu 32

به اشتراک گذاشتن

Chuin mipi chun Mosi molsanga kona ahung kumlhah vahlou amu phatnun, mipi chu Aaron koma ahung kikhom khomun, ahenga, Kipatdoh-in, keiho masanga che dingin pathenho neisem peh-un: ajehchu Egypt gama kona eihin puidoh uva hiche Mosi hi iti hitam kahe tapouve, atiuvin ahi.

Chuin Pakaiyin Mosi jah-a, Chen, kumlhan: ajehchu Egypt gama kona nahin puidoh namite khu akisuboh gam taovin ahi. Amaho gangtah-in keiman kathupeh-a konchun lamchom beh-a akihei taovin: amahon bongnou kilhajol asemun, hichu ahouvun, chule ahenga kilhaina abolun, Vo Israel, hichehi Egypt gama kona nahin puidoh uva na pathen hou chu hihen atiuvin ahi, ati.

Chuin Aaron'in hichu amuphatnin, amasanga maicham khat asemin; chule Aaron'in, Jing nikho khu Pakaiya dinga kut ahi, tin aphongdoh tan ahi. Chuin amaho ajingin matah-in athoudoh-un, govam thilto atoh-un, chule chamna thilto ahinchoijun; chuin mipi ho chu adon dingle ane dingin atouvun, chule alam dingin akipat doh-un ahi.

Chuin ajingin ahitin ahi, Mosi'n mipi ho jah-a chun, Nangho nasatah-in nachonse taove: chule tu-a hi keima Pakai henga kache touva; ahitheile nachonset nao longlhenna kagabol ding ahi, ati.