آیات محبوب کتاب مقدس از Potdohbu 2

به اشتراک گذاشتن

Chuin Pathen'in akhoisat nao chu ajahpeh tan, Abraham, Isaac, chule Jacob toh akitepna chu ageldoh tan ahi. Chuin Pathen'in Israel chate chu ahinven, amaho chu akhohsah tan ahi.

Chuin phat chomkhat jouvin ahitin ahi, Egypt lengpa chu athitan ahi. Chuin Israel chate chu asohchan jeh-un akhoisauvin, akapmun, chule asohchan jeh uva akanao chu Pathen kom alhungtan ahi.

Chuin chapang chu ahung khandoh phatnin, naodonnu chun Pharaoh chanu henga ahinpuijin, ama amanu chapa ahitan; chule amanun amin Mosi asah tai: Ajehchu keiman twilah-a kona kalahdoh ahi, ati.

Chuin Pharaoh chanu chun amanu henga, Hiche naocha hi kipuijin lang keima dingin neihin vah peh-in, chule keiman natohman kapeh ding nahi ati. Chuin numei chun chapang chu akipuijin, avahtan ahi.

Chuin Pharaoh chanu chu kisil dingin vadunga chun ahung suh-in; chule asoh numei ho chu lui panga chun avah leovin ahi: chuin amanun peng lah-a sinkhup chu amuphatnin, hichu galadin asohnu chu asolin ahi.

Chuin hiche laichun ahitin ahi, Mosi akikhanlhit phatnin, asopite henga agachen, apohgih-u chu agaven ahile, Egypt mikhatnin asopi Hebrew mi khat aden chu amulhi tan ahi. Chuin aman akimvel dung avelen, koimacha amulou phatnin Egypt mipa chu athatnin, neldi lah-a aselin ahi.