آیات محبوب کتاب مقدس از ROMETE 8

به اشتراک گذاشتن

Huleh Pathian lungsiatte, ama’n a guat banga a kouhte diingin, sil zousiah in a hoihna diingun a tongkhawm chiat hi chih i he hi.

Ajiahchu sihna aha, hinna aha, angelte aha, lalnate aha, silbawltheihnate aha, sil um zingte aha, sil hung um diingte aha, Saanna aha, thuuhna aha, ahihlouhleh silsiam dang mawngmawng in zong i Lalpa uh Khrist Jesu a um Pathian lungsiatna a kipan ahung khen thei sih diing chih dihtahin ka he hi.

Hutobangmahin, Hagau in i haatlouhnate a panpih jel hi; ajiahchu bangchi banga haamtei diing i hiai chih i he sih a; hizongleh Hagau in thuumna soi guallouhin ahung ngetsah zing hi.

Ahihleh hi thute ah bang i soita diai? Pathian i lama apan leh, kua’n ahiai hung dou thei diing?

Hujiahin tuin chu Khrist Jesu a um, tahsa daan a um loua Hagau daan a um zote diingin siamlouhtansahna mawngmawng a umta sih hi.

Ajiahchu tahsalam silte lunggulh chu sihna ahi a; hizongleh Hagau lam silte lunggulh chu hinna leh hamuanna ahi.

Khenlou hial diing; hite zousiah ah ahung lungsiattu jalin gualzoute sanga tungtuang zaw i hi uhi.

Bang jiahin ahiai i chih leh tulaia thuaahgimnate chu izawchianga eiuh a loupina suhlata um diing toh tehkaah tham in ka ngai sih hi.

Khrist lungsiatna a kipan kua’n ahiai hung khen diing? gimthuaahna in ahiai, lungngaihna in ahiai, gawtna in ahiai, kialin ahiai, saguahna in ahiai, lauhuaina in ahiai, namsaau in ahiai hung khen diing?

Huleh Pathian deihzawng banga misiangthoute diinga a ngetsah jiahin, amah lungtang entu in Hagau deihzawng bang ahiai chih a he hi.

Ajiahchu Pathian Hagau puia um photmahte chu Pathian tate ahi uhi.

Bang jiahin ahiai i chih leh tahsa daan a umte’n tahsalam silte a lunggulh veu uhi; hizongleh Hagau daan a umte’n chu Hagau lam silte a lunggulh uhi.

Amah tapa ngei zong hawi loua, i bawnva diing a hung pepa in bang diingin sil zousiah a thawnin amah toh ahung pekhawm lou diai?

Hagau ngei in eimah hagau toh Pathian tate i hi chih ahung hesah hi. Huleh tate i hih inchu, gouluahtute i hi uh; a kawma paahtawi a i um theihna diing a amah i thuaahpih tahzet inchu Pathian gouluahtute, Khrist luahpihtute i hi uhi.

Salam lunggulh chu Pathian toh kidouna ahih jiahin; huchu Pathian daan nuaiah a um sih a, um zong a um thei lou him ahi.

Ajiahchu silsiam zousiah in kinem mahmahin Pathian tate kilatna diing a ngaahlah mahmah uhi.

Ajiahchu silsiam zousiah tutandongin thuum leh nauveina thuaahin a um uh chih i he uhi.