آیات محبوب کتاب مقدس از 1 Tìmòtéyò 2

به اشتراک گذاشتن

Tàko ko, Gìká ngbà ꞌí àlo kwákwá. Dhya adrélépi áyɨ totó tà ꞌo móndɨ́ kɨ kòfalé ꞌá Gìká be dhɨ kókpà àlo kwákwá. Akódhɨ nda Yésu Krísto atsálépi móndɨ́ ro dhɨ ꞌɨ. Akódhɨ fè tá áyɨ tàndɨ ngóró làgɨ́ kàdrɨ̀ fèle móndyá títí dhɨ kɨ apázó tàkonzɨ̀ lésè dhɨ tɨ́nɨ. ꞌO tá tà nda lókyá kɨtswálépi dhɨ sè, tadházóá dhɨ, Gìká adré lèá dhɨ, móndyá títí dhɨ ɨ̀ kàdrɨ́.

Drìdrì dhɨ, má adré àma kɨ adrúpi kɨ kodzó, ɨ̀ kàdréró tà zi Gìká tí móndyá títí ɨ dré, adrézó tongólé akódhɨ rú, adrézó kpà àwoyà ta akódhɨ dré àyɨ kɨ tà sè. Ɨ̀ kàdré kpà tà zi Gìká tí ópɨ́ ɨ dré, ɨ̀ndɨ̀ móndyá bhàle àyɨ drìle dhɨ ɨ dré, mà kàdréró tà ꞌo togó be lɨ̀rɨ̀ ɨ̀ndɨ̀ kɨ̀drɨ́kɨ̀drɨ, adrézó tròle Gìká nɨ tà rú, àma kɨ tà kàdréró lɨndrɨ̀ be móndɨ́ ɨ mìlésè.

Má adré dɨ lèá dhɨ, àgo títí àrà títí ɨ ꞌásè dhɨ ɨ̀ kàdré tà zi Gìká tí, adrézó drɨ́gá da kurú na akódhɨ véna togó lólo sè, togóaswa àko, ɨ̀ndɨ̀ káyi àko. Má adré kpà lèá dhɨ, tòkó ɨ̀ kàdré kɨ́tá asó àyɨ rú tògyá sè, àyɨ kɨ làsú kàdréró dóro móndɨ́ ɨ mìlésè, ngóró dré kɨtswálé àyɨ kɨ lɨndrɨ̀ sè dhɨ tɨ́nɨ. Ɨ̀ kàdré àyɨ kɨ ꞌo avélé drìbhɨ́ tɨ̀tɨ̀ sè yà, órò sè yà, màyɨ̀kà ɨ sè yà, kó ngalè kɨ́tá làgɨ ró dhɨ ɨ sè yà dhɨ ko. Be ró dhɨ, ɨ̀ kàdré àyɨ kɨ ꞌo avélé tà dóro ɨ̀ dré adrélé ꞌòle dhɨ ɨ sè, ngóró dré kɨtswálé tòkó adrébhá tàá dhɨ ɨ̀ adré tròle Gìká nɨ tà rú dhɨ ɨ sè dhɨ tɨ́nɨ.