آیات محبوب کتاب مقدس از Ashlish 11

به اشتراک گذاشتن

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta milhey’n seihll.

As ver‐yms pooar da my ghaa eanish, as nee ad phadeyrys thousane daa cheead as three‐feed laa coamrit ayns aanrit‐sack.

As lurg three laa dy lieh, hie’n Spyrryd dy vea veih Jee stiagh ayndoo: as hass ad er nyn gassyn, as huitt aggle mooar orroosyn honnick ad.

Oc shoh ta pooar dy yeigh niau, nagh bee fliaghey ayn rish traa yn phadeyrys oc: as ta pooar oc harrish ny ushtaghyn dy hyndaa ad ayns fuill, as dy woalley yn thalloo lesh dy chooilley cherraghey, cha mennick as sailliu.

Ad shoh yn daa villey‐olive, as y daa chainleyr shassoo kionfenish Jee yn theihll. As my nee dooinney erbee aggair daue, ta aile cheet magh ass nyn meeal, dy stroie nyn noidyn: as my nee dooinney erbee aggair daue, shoh myr vees eh er ny choyrt dy baase.