آیات محبوب کتاب مقدس از Jamys 3

به اشتراک گذاشتن

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

As ta’n mess dy ynrickys er ny chuirr ayns shee dauesyn ta cur rish shee.

Son raad ta troo as streeu, ayns shen ta anvea, as dy chooilley ghrogh obbyr.

Lesh ta shin bannaghey Jee, dy jarroo yn Ayr; as lesh ta shin gweeaghyn da deiney, ta jeant lurg caslys Yee. Ass yn un veeal ta cheet bannaght as mollaght. My vraaraghyn, cha lhisagh ny reddyn shoh ve myr shen.

As t’an chengey ny aile, seihll dy vee‐chairys: myr shen ta’n chengey mastey ny oltyn ain, dy vel ee milhey yn slane corp, as cur yn seihll bun‐ry‐skyn; as t’ee soit er aile liorish niurin.

Agh y chengey cha vod dooinney erbee y smaghtaghey; t’ee olk mee‐reiltagh, lane dy physhoon baasoil.

My vraaraghyn, ny shir‐jee dy ve ymmodee fir‐ynsee, toiggal [liorish shoh] dy bee mayd ny s’geyre er nyn mriwnys.