آیات محبوب کتاب مقدس از 2 Corinthianee 4

به اشتراک گذاشتن

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t’ayns fakin agh son tammylt; agh ny reddyn nagh vel ayns fakin, t’ad dy bragh farraghtyn.

Son yn oyr shen cha vel shin lhiggey nyn gree voïn, agh ga dy vel y dooinney ain er cheumooie goll naardey, foast ta’n dooinney er cheu‐sthie er ny niartaghey laa lurg laa. Son ta’n seaghyn eddrym ain, nagh vel agh son shallid, gobbraghey nyn gour towse erskyn earroo foddey smoo as dy bragh farraghtyn dy ghloyr

Ta shin seaghnit er dagh cheu, agh cha vel shin ayns chennid: ta shin êginit, agh cha vel shin fo mee‐hreishteil; Tranlaasit, agh cha nee treigit; tilgit sheese, agh cha nee er nyn stroie

Agh ta’n verchys shoh ainyn ayns siyn craie, dy vod ard‐ooashley yn phooar ve veih Jee, as cha nee voïnyn.

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.