آیات محبوب کتاب مقدس از 2 Corinthianee 1

به اشتراک گذاشتن

Bannit dy row Jee, eer Ayr nyn Jiarn Yeesey Creest, yn Ayr dy vyghinyn, as Jee dy chooilley gherjagh; Ta gerjaghey shinyn ayns ooilley nyn seaghyn, dy vod mayd ve abyl dy gherjaghey adsyn ta fo seaghyn erbee, lesh y gerjaghey liorish ta Jee dy gherjaghey shin hene.

Son myr ta ny surranseyn ain son Creest bishaghey orrin, myr shen myrgeddin ta’n gerjagh ain bishaghey orrin veih Creest.

Agh va shin fo briwnys y vaaish aynin hene nagh jinnagh shin treishteil orrin hene, agh er Jee ta troggal ny merriu.

Nish eshyn ta dy niartaghey shinyn mêriuish ayns Creest, as ta er ooillaghey shin, she Jee eh: Ta myrgeddin er sealal shin, as ta coyrt dooin eearlys y Spyrryd ayns nyn greeaghyn.

As edyr shin ve seaghnit, te son y gerjagh as y saualtys euish, ta breeoil ayns gymmyrkey ny surranseyn cheddin mârin: ny edyr shin ve er nyn gherjaghey, te son y gerjagh as y saualtys eu.