آیات محبوب کتاب مقدس از 1 Peddyr 4

به اشتراک گذاشتن

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.

Myr ta dy chooilley ghooinney er gheddyn gioot, dy jarroo myr shen rheynn‐jee eh yn derrey yeh er y jeh elley, myr stiurtyn mie jeh ymmodee‐filley grayse Yee.

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.

Ny‐yeih my ta dooinney erbee surranse myr Creestee, ny lhig da nearey ve er; agh lhig da Jee y ghloyraghey er y choontey shoh.

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

Chaarjyn ghraihagh, ny gow‐jee yindys mychione y trial aileagh ta ry‐hoi prowal shiu, myr dy beagh red ennagh joarree er daghyrt diu: Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

Cur‐jee oltaghey‐bee yn derrey yeh da’n jeh elley fegooish mooaraghey.

Shen‐y‐fa, lhig dauesyn ta surranse cordail rish aigney Yee, livrey seose kiarail nyn anmeenyn huggeysyn ayns jannoo dy mie, myr gys Fer‐croo firrinagh.

Ayns wheesh eisht as dy vel Creest er hurranse er nyn son ayns yn eill, bee‐jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah; Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.