آیات محبوب کتاب مقدس از Zhakɛ 1

به اشتراک گذاشتن

Da-byâ, yò-cə̀ə̀lè dwí gakó gə pú ába, sʼá nyǐ á cìn ǹdə lyì byɛ̀bɛ́ bə̀ zhe wu-nyɔ̃̀ námpúm ta. Á yě bə̀ zwini gə nʼê zhẽ̀ á Yi-ni-zhú mú, rə̀myɛ́ nʼê ce á wun tʼâ gɛ yé.

Lármɔ gə mwìrì ámyɛ̌ mə̀dù, sə n lwə̀l Yi ni, bə̀ rə̀ bʼa pɔ̃. Yi tʼâ nyǐ rə̀ mʼe pə yé, rə̀ tʼâ cír yé.

À da-byâ nántwə̂rh, lwarna bə̀ lò gakó mə̂ dwã sə́ cili zɔ̀mɛ̀ rɛ́ cɛ̀nɛ̀, sə ǹ bə̀ká zɔ̀m làlà yé, sə ǹ lyim myɛ bə̀kʼa zɛ̃̀ làlà yé.

Cenə á cìn-pyɔ́nɔ́ mɔ́ pyìrh tùm-ècɛ̀nà wẽ́, mùnì ga á cɛ̀nɛ̀ rɛ́ yə̀ námpúm, yò bə̀kʼa zhì á yó w yé, sə kaka bə̀kʼa mwìrì ába yé.

Yálna zɔ̀mɛ̀ rɛ́ zwennə, sʼá bə̀kʼá yə̀ rə̀ cilnə dúdú yé. È gə də̀ rə̀myɛ́, wɔ́ ámyɛ̌ cìcì á nʼá jə́jɛ̀rɛ́ á cìnə̀.

Lò mɔ̀bɔ́ ǹ zhì kẽkẽ yò-còlò yi ní, ǹ bʼâ yə̀ wu-nyɔ̃̀ cí, bə̀ yò-còlò w gə́ zɔ mɔ́ ń jʼâ ŋwɛ̀nɛ́ ń zhì kẽkẽ mó ce, ǹ bʼâ nə nyǔ mə̀ tʼâ la zhɔ̌. Nyǔ mú mə̀myɛ́ wɔ́ kwândɛ́ tɛ̀bɛ́ Yi bwəl rə̀ nyí byɛ̀bɛ́ bə̀ só re mó ne mó.

Kɔ̀-ècɛ̀nɛ́ dwí gakó, wɔ́ dɛ̃̌ yi w rə̀ nʼê shí ní. Rə̀ nʼê shí dɛ̃̌, Yi rí rə̀ wɛ̀rhɛ́ nə̀nyɔ́nɔ́ w ǹdə́ cànà y ǹdə́ cã̀mə́sɔ̌sɛ́ mɔ́ sõ. Cə-byṹ tɛ̀nɛ́ Yi sõ yé; rə̀ wɔ́ rə̀myɛ́ twéé twéé, rə̀ tʼâ lyə́r námpɔ́lɛ́ myɛ cìcì yé. Rə̀ sõ mó è bə zhe bə̀ cəcɛ̃ ráá nə̀nyɔ́nɔ́ yé.

Lò mɔ̀bɔ́ ǹ nə́ ǹ cili Yi zɔ̀mɛ̀ rɛ́ ń zɛ̃̀ ǹ tá ǹ wɛ̀rhɛ́ ǹdə rə̀ gə́ nʼê byili ní, ǹ nyɛ̌ ǹdə lò mɔ̀bɔ́ ń nə́ ń nyǐ ń yé zhə̀zhé wẽ́ ta, ń nə ń cìn ǹdə ń gə́ wɔ́ nɛ́. Ń gə nyǐ ń cìn ń zhɛ̀, n zhǐr ń la, n pú n swě ń gə́ wɔ́ nɛ́.

Yi-ni-tó mó mɔ̀bɔ́ mə̀ wɔ́ nə́ Da Yi pùbùlə̀ mó, wɔ́ bə̀tâlsɛ ǹdə́ ejə̀nə̀ nè sãɔ̃ bə̀ zúzúnú w wẽ́, sə́ dɛ̃̀ ǹ cìn ǹdə́ lũ w jìmdì dwí gakó.

Sòlò gə tú ò zhe lò lwɛlɛ wɔ̀rhɔ́ yilə, sə ń bə̀ká n bù bə̀ wɔ́ Yi rə̀ nʼê cìrh mò rə̀ ce lwɛlɛ rɛ́ wẽ́ yé. Kaka wàr Yi rə̀ la sòlò rə wɛ̀rhɛ́ lwɛlɛ yé, Yi myɛ tʼâ cìrh lò lò rə̀ ce lwɛlɛ wẽ́ yé. Lò gakó wɔ́ ǹ shil námməlwɛ̀lɛ́ y è ŋwɛ́nɛ́ ǹ wẽ́ mó è nʼê swèlè mó è ce ǹ wɛ̀rhɛ́ lwɛlɛ.

Da-byǐ mɔ̀bɔ́ ń wɔ́ nə̀mɔ̀, ń mə̂ sə n ce ń wu yə̀ nyɛ̀n, Yi gə́ zhẽ̌ ń yó dɛ̃̌ mɔ́ yilə.