آیات محبوب کتاب مقدس از 1 Pyɛɛrɛ 2

به اشتراک گذاشتن

Sə ámyɛ̌ wɔ́ dwí tɛ̀bɛ́ Yi cír. Á wɔ́ pyɔ̌ mɔ́ vwĩ̀-zwə́lnə gùlú. Á wɔ́ Yi lyì-ècɛ̀nà dwí. Yi cír ába mùnì ga á bwə̀l tumə nánfwààlɛ́ tɛ̀bɛ́ rə̀ wɛ̀rhɛ́ mɔ́. Rə̀ byẽ̀ ába rə ce á du cə-byín wẽ́ á bə̀ rə̀ pwẽ̀ dé nánfɔ̀lɔ̀ w wa.

Ń cìcì zwẽ nə́ yə̀-bəlwàálɛ́ n mə n cì də̀-jɔrhɔ́ w yó, mùnì ga nə́ yə̀ ǹdə wɔ́ cú nə́ cù nə́ yẽ̌ nə́ yə̀-bəlwàálɛ́ nɛ ta, nə́ zɛ̃̀ nə́ jǐrh cángá. Wɔ́ ńmyɛ̌ cɔ̀mɔ̀ mɔ́ mə̀ zhɛ̀ á címsí. Á yʼâ nyɛ̌ ǹdə pyììsì shɛ̀bɛ́ sə̀ jé ta, sə èlâsɛ̃´, á kʼá bə̀ á nə̀nɔ̀n mɔ́ nántwə̂ y ń nə́ ń yìlì ába mó sono.

Shãã ga, á yʼâ də̀ Yi lyì yé; sə èlâsɛ̃´, á wɔ́ rə̀ lyì. Shãã ga, rə̀ yʼà gwẽ̌ tʼâ dùr á nɔ̀nɔ̀ yé; sə èlâsɛ̃´, rə̀ nʼê dùr á nɔ̀nɔ̀.

Yálna ǹdə byì-shɛ̌msɛ ta, á swéné Yi zɔ̀mɛ̀ rɛ́ rə̀ wɔ́ ǹdə yil mɔ̀bɔ́ mə̀ yə̀ kaka gùlí ta mɔ́, mùnì ga á byì, á nə vwârh

À dɔwabá nántwə̂rh, á wɔ́ ǹdə zhələ ta cɛ yó; á la lyãɔ̃. À nʼâ lwə̀l ába: á bə̀kʼá shɛ̀nɛ́ yala nɛ́ shilə námməlwâlsɛ́ sə̀ nʼê bwí ǹdʼá wun ní nyə̀ná nɛ́ mɔ́ nyí ni yé. Zəna á cìn náàcɛ̀nɛ́ lyì bí byɛ̀bɛ́ bə̀ yə̀l Yi pár mɔ́ wẽ́, mùnì bá bə̀ gə nʼê ce cə̀rh á nyí ni bʼâ nʼá wɛ̀rhɛ́ lwɛlɛ myɛ, dɛ̃ rɛ́ tɛ̀bɛ́ Yi bàn nə́ba gwãɔ̃ mɔ́, bə̀ yírhə́ bʼa nə á tùm-ècɛ̀nà nɛ́, bə cèrhé re.

Ámyɛ wɔ́ ǹdə nə́kuuli nã́nyìrh ta. Rə̀myɛ́ ce, bwəlsenə Cinu ni, bə zə ába bə lù Eshirhə náàcɛ̀nɛ́ jì, mùnì ga á yə̀ Yi vwĩ̀-zwə́lnə byɛ̀bɛ́ bə̀ wɔ́ wu-põ cìnə́ gùlú, á nʼá zwə́l vwə̃̀ nyɛ̀bɛ́ nə̀ wɔ́ Eshirhə náàcɛ̀nɛ́ nyə̀ná, sə Yi bʼa zwẽ ne Yezu Kristə yilə.

Rə̀myɛ́ ce, è gə wɔ́ wu-bárhɛ́, ǹdə́ dwã myìnù, ǹdə́ kɔma, ǹdə́ bwɛ̃̌-dǔr, ǹdə́ dwã tùùrhì, yẽ̌nə rə̀myɛ́ mɔ́ dwí rí gakó ne.

Bwəlsenə Cinu Yezu ni. Wɔ́ ńmyɛ̌ ń wɔ́ nə́kulu w nã́nyì y cìcì numbyínə́ bé vùr bə dwĩ̀ kwã nɛ́ mɔ́. E jʼà wɔ́ òmyɛ́ ò sú Yi yírh rə cír.

Twĩ̌nə á tùntwə̃̀ə̃̀ né ǹdə lyì byɛ̀bɛ́ bə̀ cǐ bə̀ cìn ta, sə cìn-cìnú mú mə̀myɛ́ bə̀kʼa yə̀ tùntùm-bəlwâlsɛ yó ne á la bʼá pyi ní yé. Zəna á cìn ǹdə Yi tùntùnnə̀ ta.

Yi nʼê yâl bʼâ twĩ̌ tùm-ècɛ̀nà, mùnì zɔ̀m-bəywààlɛ́ cìnə́ bé bə̀ yə̀l nə̀ kùrə̀ mó nyə́ cɛrhɛ, bə pyà pyà bə̀ gə́ bʼa lyár nɛ́ bə ga.