آیات محبوب کتاب مقدس از Aposol 13

به اشتراک گذاشتن

Makwam wop i ñɨŋ ap nɨmölön, Nöbö Diba akwör höjöpal gɨr mɨdɨm nugugɨrön, Inöm Leia nuŋ ñɨgö yadöŋa, “Ñɨŋ Banabas Sol yöŋö yadɨŋ, nɨ mabö ñɨgö yad nɨgɨm aku rɨŋ duaŋ,” me röŋa. Inöm Leia aliö rɨmɨn, ñɨŋ ap mag nɨmölön, God höjöpalön, Banabas Sol yöŋö ñɨgö imaga yöcmac sö nɨgön, God ñɨgö nöbö hogwa nugwidɨx mɨdaŋ, me rön, ñɨgö yad abmä.

An Juda lo mönö adakwör nugwön rɨmɨjnɨŋ aku, God ap kib mag gwogwo röl aku nugw gör mɨjöna. Jɨ Jisas pɨl pal nɨgɨm wöröxöŋ makwam, an Jisas nugw pɨmɨjɨnɨŋ aku, God ap kib mag gwogwo röl aku nugwön, röböxön, anɨŋ nöbö mö kömö wä nɨ, me cöna.

Aku agapɨm: Nöbö Diba anɨŋ yadön mönö aliö yadöŋa, ‘Nɨ yadmön, ñɨŋ Juda nöbö mö yöi akuyöbö ñɨgö mil ñɨŋa mɨdön, mögörɨb hörɨrör piaku duŋ, nöbö mö bla magalɨg mil maga nugwɨŋ nugugɨrön, nɨ ñɨgö kömö pɨnö,’ rö,” rɨmä.