آیات محبوب کتاب مقدس از Kôlôs 2

به اشتراک گذاشتن

Kyuanăn msĕ si diih jum leh Krist Yêsu jing Khua Yang, msĕ snăn mơh dôk hdĭp bĕ hlăm Ñu, mtrŭn agha, mdơ̆ng hlăm Ñu, leh anăn dôk kjăp hlăm klei đăo, tui si klei diih hriăm leh, leh anăn hdơr bi mni kơ Aê Diê nanao.

Răng bĕ, đăm mâo mnuih mplư diih hŏng klei hriăm thâo lu leh anăn hŏng klei blŭ mplư hơăi mang, tui si klei mnuih yăl dliê, tui si klei mưng lăn ala, amâo djŏ tui si klei Krist ôh.

Hlăk êlâo diih djiê leh hlăm klei soh leh anăn hlăm kđeh amâo mâo klei khăt klĭt ôh, Aê Diê lŏ bi hdĭp diih leh mbĭt hŏng Krist. Ñu pap brei leh jih jang klei soh drei. Ñu lăm hĕ leh hră nư mbĭt hŏng klei bhiăn bi đuôm drei, klei bhiăn anăn bi kdơ̆ng hŏng drei, ƀiădah Ñu lăm hĕ klei bhiăn anăn hŏng klei Ñu pơ̆ng klei bhiăn anăn ti kyâo bi kal.

Kyuadah jih klei bŏ ênŭm knuih Aê Diê dôk hlăm asei mlei Krist. Leh anăn diih mâo leh klei bŏ ênŭm hlăm Ñu. Ñu jing khua kơ jih jang phung khua kiă kriê leh anăn phung mâo klei dưi.

Kyuanăn đăm brei arăng phat kđi diih ôh kyua mnơ̆ng ƀơ̆ng mnăm, amâodah kyua hruê knăm, hruê mlan mrâo ƀlĕ, amâodah hruê sabat. Jih klei anăn jing knŏng êyui kơ klei srăng truh; ƀiădah asei mlei sĭt jing Krist.