آیات محبوب کتاب مقدس از Proverbo 3

به اشتراک گذاشتن

Nawri o ichasaray mo do atavo o Apo taya asna ichasaray moava o tanyan a kasolivan mo. Panomahen mo do aktokto mo o Dios do atavo a parinyen mo, ta iya anti o mapawnot dimo.

Pangayen moava do aktokto mo o kaoyod mo a masolib asna no kasinchad mo do Dios a anohdan kano kapachivawa mo do di mayanong

Aniven mo o Apo taya do katoroh mo nia dia o kapipian no asi no mohamoha mo as katoroh mo dia a manoma do napakayan mo. Ta an nia o parinyen mo am mapno sa anti o bodega mo as kadi na anti makakayanan do paysahoran mo sa.

Pabohen moava o saray nimo no kadwan as kavidin mo a maddaw nira. Onongan mo saya do tawol mo

Manganak, an mian o paynananawan dimo no Apo taya am ipsok moava as ahapen mo ya asa ka nanawo a ichapia mo, takwan no Apo taya am paynananawhen na sa o ichaddaw na a akma so parinyen no asa ka ama do ichaddaw na manganak.

Manganak, onotan mo o nanawan ko dimo as kadi mo makawayakan do yokoyokoran ko sa nimo. Ta no inanawo ko saya dimo o tomoroh dimo so manaro a viay a maydamnay so aktokto.

Mapalak o tawo a makahap so kasolivan as kano mapia a pinangtoktoan, ta rakorakoh o inakyan nia o kasolivan as kano inakyan nia o polak anmana vohawan. Rakorakoh o sinmo na nia kano diamante. Arava o mapaswad mo do kasolivan a rakorakoh so balor.

Saditen moava o kapamarin mo so mapia do mayanong mo sa a sidongen as paronoronen moava.

Inamaog no Apo taya o tana aya do kasolivan na. Alit na pa o nakaparin na so tohos aya do kasolivan na.