آیات محبوب کتاب مقدس از Mātiú 21

به اشتراک گذاشتن

Pea ko e me‘a kotoa pē te mou kole‘i he hū, ‘o mou tui pē, te mou ma‘u.

Pea tali ‘e Sīsū ‘o ne pehē kiate kinautolu, Ko au ē, ‘oku ou tala atu, Kapau te mou tui, ‘o ‘oua ‘e tāla‘a, ‘e ‘ikai ngata ‘i he me‘a kuo fai ki he fiki ‘a e me‘a te mou lava; ka ‘o kapau te mou lea ki he mo‘unga ni, Fei mo mahiki koe, ‘o patū ki tahi; pea ‘e hoko.

Pea ko e fu‘u kakai na‘e ‘alu mu‘omu‘a ‘iate ia, pea mo kinautolu na‘e muimui mai, na‘a nau fekālanga‘i ‘o pehē, Hōsana ki he Hako ‘o Tēvita! Hoto ‘ofa kiate ia ‘oku hoko mai ‘i he huafa ‘o e ‘Eiki! Hōsana ki Langi Taupotu!

pea ne pehē kiate kinautolu, Kuo tohi, Ko hoku fale ‘e ui ko e falelotu; ka ko kimoutolu ‘oku mou ngaohi ia ko e ‘ananga ‘o ha kaiha‘akau.

Mou lea ki si‘i Saione, Ko ena ho Tu‘i ‘oku me‘a mai kiate koe. Ko e ‘Eiki fa‘a kātaki, pea ‘oku ne heka ki ha ‘asi: ‘Io, ki ha ki‘i manu, Ko e tama ‘a ha manu toho palau.

Pea lea ‘a Sīsū kiate kinautolu, Kuo te‘eki koā ke mou lau ‘i he Tohitapu? Ko e maka ne fakatale‘i ‘e he kau tufunga Kuo hoko ‘o tuliki tau‘olunga: Ko e me‘a mei he ‘Eiki ia, pea fakaofo ki hotau mata.

Ko ia, ‘oku ou tala atu, ‘E to‘o meiate kimoutolu ‘a e Pule‘anga ‘o e ‘Otua, pea ‘e tuku ki ha kakai ‘oku fua ‘o taau mo ia.