آیات محبوب کتاب مقدس از Luké 3

به اشتراک گذاشتن

Pea ‘i he ‘osi papitaiso ‘a e kakai, pea kuo papitaiso mo Sīsū foki, pea ‘oku ne fai ‘ene hū, ‘iloange na‘e matangaki ‘a e langi, pea ‘alu hifo kiate ia ‘a e Laumālie Mā‘oni‘oni, ‘i ha sino na‘e tatau mo ha lupe; pea na‘e ai ha le‘o mei he langi na‘e pehē mai, Ko hoku ‘alo Pele koe, ko koe kuo u hōifua ai.

pea toe lea ‘a Sione kiate kinautolu kotoa, ‘o pehē, Ko au ‘oku ou papitaiso kimoutolu ‘aki ‘a e vai: ka ‘oku ha‘u ha toko taha ‘oku mālohi ‘iate au, ko e toko taha ‘oku ‘ikai te u taau ke vete ‘a e nono‘o ‘o hono topuva‘e: te ne papitaiso kimoutolu ‘e ia ‘i he Laumālie Mā‘oni‘oni mo e afi.

Kapau ko ia, pea mou fua ‘o taau mo ha kau fakatomala; pea ‘oua te mou kamata fuataki ‘i homou loto, ‘o pehē, Ko ‘Epalahame ‘a ‘emau tamai; he ‘oku ou tala atu, ‘oku mafai ‘e he ‘Otua ke fokotu‘u mei he ngaahi maka ni ha fānau kia ‘Epalahame.

Kae‘uma‘ā ‘oku lolotonga tu‘u ni ‘a e toki ‘i he tefito ‘o e ngaahi ‘akau: ko ia, ‘ilonga ha ‘akau ‘oku ‘ikai fua lelei ‘oku tā ‘o laku ki he afi.

‘o hangē ko ia kuo tohi ‘i he puka ‘o e ngaahi lea ‘a ‘Aisea ko e palōfita, Ko e le‘o ‘o ha toko taha ‘oku kalanga he toafa, Mou teuteu ‘a e hā‘ele‘anga ‘o Sihova; Fakatonutonu hono ngaahi hala. ‘Ilonga ha tele‘a pea ‘e tanu, Pea ‘ilonga ha mo‘unga pe tafungofunga ‘e holoki; Pea ‘e ngaohi ‘a e pikopiko ke totonu, Mo e tokatāmaki ke tokamālie. Pea ‘e mamata ‘e he kakano kotoa ki he fakamo‘ui‘anga ‘a e ‘Otua.