آیات محبوب کتاب مقدس از Sioné 14

به اشتراک گذاشتن

Ko ‘eku ‘alu ‘eni, ka u tuku ha fiemālie kiate kimoutolu; ko ha fiemālie ‘a‘aku ‘oku ou foaki atu kiate kimoutolu: ‘oku ‘ikai hangē ko e foaki ‘a māmani ‘a ‘eku foaki kiate kimoutolu. ‘Oua na‘a tuku ke puputu‘u homou loto, ‘uma‘ā ha‘ane manavahē.

Pea folofola ‘a Sīsū ki ai, Ko au pē ko e Hala, pea mo e Mo‘oni mo e Mo‘ui: ‘oku ‘ikai ha‘u ha taha ki he Tamai ka ‘i he‘ene fou ‘iate au.

‘OUA na‘a tuku ke puputu‘u homou loto: tui pīkitai ki he ‘Otua, tui pīkitai foki kiate au.

Ka ko e Taukapo, ko e Laumālie Mā‘oni‘oni, ‘a ia ‘e fekau mai ‘e he Tamai ‘i hoku hingoa, ko e Toko Taha ko ia te ne ako kiate kimoutolu ‘a e me‘a kotoa pē, pea te ne fakamanatu kiate kimoutolu ‘a e me‘a kotoa pē kuo u lea‘aki kiate kimoutolu.

Ko ia ‘oku ma‘u ‘eku ngaahi tu‘utu‘uni, mo tauhi ki ai, ko ia ia ‘oku ‘ofa kiate au: pea ko ia ‘oku ‘ofa kiate au ‘e ‘ofeina ia ‘e he‘eku Tamai, pea te u ‘ofa mo au kia ia, pea te u fakahaa‘i kiate ia.

Pea te u tala ki he Tamai, pea te ne foaki kiate kimoutolu ha Taukapo ‘e toko taha, koe‘uhi ke ne ‘iate kimoutolu ‘o ta‘engata; ‘io, ko e Laumālie ‘o e Mo‘oni; ‘a ia ‘oku ‘ikai ke fa‘a ma‘u ‘e māmani, koe‘uhi ‘oku ‘ikai te ne sio kiate ia, pe fai ke ‘ilo ia: ka ‘oku mou fai ke ‘ilo ia ‘e kimoutolu; he ‘oku ne nofo ma‘u mo kimoutolu, pea ‘oku ne ‘i. homou loto.

Pea ‘ilonga ha me‘a te mou kole ‘i hoku hingoa, te u fai ia, koe‘uhi ke fakalāngilangi‘i ‘a e Tamai ‘i he ‘Alo. Neongo pē ko e hā ha me‘a te mou kole meiate au ‘i hoku hingoa, te u fai ia.

Kapau ‘oku mou ‘ofa kiate au, te mou tauhi ‘eku ngaahi fekau ‘a‘aku.

‘I he ‘api ‘o ‘eku Tamai ‘oku lahi ‘a e ngaahi nofo‘anga: ka ne ‘ikai, pehē kuo u tala kiate kimoutolu, he ko ‘eku ‘alu eni ke teuteu ha potu mo ‘omoutolu.

Pea neongo te u ‘alu ‘o teuteu ha potu mo‘omoutolu, ka ‘oku ou toe ha‘u pē, pea te u ma‘u kimoutolu kiate au; koe‘uhi ko e potu ‘oku ou ‘i ai, ke mou ‘i ai foki.

Pea lea ki ai ‘a Tōmasi, ‘Eiki, ‘oku ‘ikai te mau ‘ilo pē ko ho‘o me‘a ki fē; pea mau ‘ilo fēfē ai ‘a e hala?