آیات محبوب کتاب مقدس از Jeremias 7

به اشتراک گذاشتن

Sapagkat nang ilabas ko sa Ehipto ang mga ninuno nʼyo, hindi ko lang sila inutusan na mag-alay ng mga handog na sinusunog at iba pang mga handog, inutusan ko rin sila ng ganito: Sundin ninyo ako, at akoʼy magiging Diyos nʼyo at kayoʼy magiging mga mamamayan ko. Mamuhay kayo sa paraang iniutos ko sa inyo upang maging mabuti ang kalagayan ninyo.

Ngunit hindi nila sinunod o pinansin man lang ang mga sinabi ko sa kanila. Sa halip, sinunod nila ang nais ng matitigas at masasama nilang puso. At sa halip na lumapit sa akin, lalo pa silang lumayo.

“ ‘Baguhin na ninyo nang lubusan ang inyong pag-uugali at pamumuhay. Tratuhin ninyo nang tama ang inyong kapwa, at huwag na ninyong apihin ang mga dayuhan, ulila, at mga biyuda. Huwag ninyong papatayin ang mga walang kasalanan, at huwag kayong sumamba sa ibang mga diyos na siyang magpapahamak sa inyo. Kapag ginawa nʼyo ito, patuloy ko kayong patitirahin sa lupaing ito na ibinigay ko sa mga magulang nʼyo magpakailanman.

Ito ang sinasabi ng PANGINOON ng mga Hukbo, ang Diyos ng Israel: Baguhin na ninyo ang inyong pag-uugali at pamumuhay, upang patuloy ko kayong patirahin sa lupaing ito.