آیات محبوب کتاب مقدس از Isaias 61

به اشتراک گذاشتن

Ang Espiritu ng Makapangyarihang PANGINOON ay sumasaakin. Sapagkat hinirang niya ako na mangaral ng magandang balita sa mga dukha. Sinugo niya ako para aliwin ang mga sugatang-puso, at para ipahayag sa mga bihag at mga bilanggo na silaʼy malaya na. Sinugo rin niya ako para ipahayag na ngayon na ang panahon na ililigtas ng PANGINOON ang kanyang mga mamamayan at parurusahan ang kanilang mga kaaway. Sinugo rin niya ako para aliwin ang mga nalulungkot sa Zion, nang sa ganoon, sa halip na maglagay sila ng abo sa kanilang ulo bilang tanda ng pagdadalamhati, maglalagay sila ng langis o ng koronang bulaklak sa kanilang ulo bilang tanda ng kaligayahan. Silaʼy magiging parang matibay na puno na itinanim ng PANGINOON. Kikilalanin silang mga taong matuwid sa ikakaluwalhati ng PANGINOON.

Sa halip na kahihiyan, magiging doble ang inyong matatanggap na pagpapala sa inyong lupain at talagang masisiyahan kayo sa matatanggap ninyo. Magiging maligaya kayo magpakailanman.

Nalulugod ako sa PANGINOON kong Diyos, dahil para niya akong binihisan ng kaligtasan at tagumpay. Para akong lalaking ikakasal na may suot na katulad ng magarang damit ng pari, o babae sa kasal na may mga alahas.

Muli nilang itatayo ang mga lugar na gumuho noong unang panahon, at aayusin ang mga lungsod na nawasak noon. Muli nilang bubuhayin ang mga ito, kahit na napakatagal na nitong gumuho.

Sapagkat kung papaanong tiyak na sa lupa tumutubo ang mga binhi, ang tagumpay at katuwiran naman ay tiyak na manggagaling Makapangyarihang PANGINOON, at pupurihin siya ng mga bansa.

Tatawagin kayong mga pari ng PANGINOON, mga lingkod ng ating Diyos. Makikinabang kayo sa kayamanan ng mga bansa at magagalak kayo na ang mga itoʼy naging inyo.

“Sapagkat ako, ang PANGINOON, ay nagnanais ng katarungan. Galit ako sa mga pagnanakaw at sa iba pang kasamaan. Sa aking katapatan, gagantimpalaan ko ang aking mga mamamayan at gagawa ako ng walang hanggang kasunduan sa kanila.