آیات محبوب کتاب مقدس از Roma ne 3

به اشتراک گذاشتن

wèéa ne ga chìbian kúrúa hãa, a Nqarim di x'áàn tcàoa hãa domka, a ne a ko Gam di cgóm̀kuan domka tchàno ne iise bóòè, Jeso Krestem koe hàna kgoarakuan koe guu a, si ncẽe sa kg'amaga dis máàku si i.

Ncẽe tchànoa ne Nqarim koe guua, Jeso Krestem koe dtcòm̀an ka, wèé ne ẽe ko dtcòm̀ ne di iise. Cúí q'aa-q'oo ga káà a khama

Ncẽem kò Nqari ba qhàea-máákus iise tcg'òó ba, nxãasega ta gha Gam koe dtcòm̀an ka, Gam di c'áòan koe guu a gatá di chìbian qgóóa mááè ka. Ncẽe sa kòo Nqarim di tchànoan x'áí, kg'aia kò kúrúsea hãa chìbian nem kò kg'ama bóòa guu di i. Ncẽe sam kò Gam di qáò tcáóan koe guu a kúrú, Gam di tchànoa nem gha nxãasega ncẽem x'aèm koe x'áí ka. Gataga i ko thẽé x'áí, Gabá tchàno Me e sa, ẽe ko Jesom koe dtcòm̀ ba tchànom iise bóòan ka.

Gaa domkam Nqarim cookg'ai koe cúím khóèm ga ba x'áèan komsanan ka, tchànom iise bóòèa hãa tite; x'áèan koe ta ko guu a chìbian ka q'ãa khama.

Ncẽe i ma góáèa khama a ko máá: “Cúí khóè ga káà a, tchàno o. Cúí khóè ga káà a, kóḿa ko q'ãa a, i cúí khóè ga káà a, Nqari ba ko qaa a. Wèéa ne ga Nqari ba q'aumana hãa, a ne a wèéa ne ga káà hùi ne e, wèéa ne ga. Cúím qãè tsééan ko kúrúm ga ba káà me e.”

Khóè ba ko dtcòm̀s koe guu a tchànom iise bóòè sa ta q'ana hãa khama, x'áèan ko méé sa kúrús ka tamase.

Nxãas tama si i! Ncẽe sa méés q'ãase: Nqari ba méém tseegu ii, nakam wèém khóè ba tshúù-ntcõa-kg'ao ba ii. Ncẽe i ma góáèa a ko máá: “Nxãasega Tsi gha Tsáá Nqari Tsi Tsari kg'uian koe guu a tchàno Tsi iise bóòè ka, a gha Tàà-kg'ao ba ii, ẽe Tsi kòo qhàìs koe xgàra ne,” téméè khama.