آیات محبوب کتاب مقدس از Metiu 13

به اشتراک گذاشتن

Arile, iri buwa wit ale taku in munyak mwasin badeh, i buku le iri lau anuhun sahou ta Kindrei, ya iri tanan katin handru. Eme ya iri ato-ou sali iri, ra-on ato-ou rinek (100), ra-on ndro hanoh (60), ra-on tonoh (30).”

Ya iri buwa wit taku ereu ndrokowa iri malou bobodon, idoh leheya iri lau ale anuhun sahou ta Kindrei, arile iri abudon boto-on ta lakou badu kon munyak. Ya iri abudon boto-on labai ta atukum iri luk, ma iri lakou ra-on ja. Ya idoh sokei sahou ta Kindrei eme ma bwidi iri bato-ou sali iri bwe.

Iri lau rayah anuhun sahou mwasin nyala tondrok ta Kindrei, arile iri tanan katin handru bwe. Iri buku none le buwa wit taku ereu san, ya balik eme kuhi iu suwi handru sahou mwasin Kindrei tahiy ereu budon tiri.

Ya iri buwa wit taku in bwele-e bek, i buku le iri lau anuhun sahou, ya nawin bwe iri kuhiy ma iri sekesek ta aliy. Arile buwa wit doh kandron aliy bwe, ya i bareu luwen bwe. Ya i buku none ndrine sen asahan deh bwe-em ndra-i asahan, tasah ta sahou ta Kindrei, ya idah kameh, suwi suwi iri taku.

Jises asehek sahou ja anya, “Tondrok ta Kindrei kameh asahan buku none le ko-on iri lau ra-on tone ereu bolo bilin. Ndramak ari eme a-eh ndren ma iy atou, ma iy tone ja. Iy sekesek labai, ya ili mada ba-en, ma iy atehei iri lakou tan mari i ba-en, ma iri lau sihinei iu. Ya iy ili sihinei bilin nane ko-on ereu bolon, tasah idah ko-on nane ndrala tan ma iy winiyan akohok.”

Arile, badu wit ra-on taku i bolo ndren mwasin, ma iy ato-ou buwan. Ra-on ato-ou rinek (100), ra-on ato-ou ndro hanoh (60), ra-on ato-ou tonoh (30).

Mwasin, ado karuwani uru ma la-uh winiya le len ta akohok nyamon. Na len ta akohok nyamon jo katiye toro lau ta amekes gok doh: Ado katukumwi bwidiu ndra-in bwena, ya kasawei ki se ta asun i jih. Arile ado katukumwi iri wit keme bolo asiu ta nyamon tek.’ ”