آیات محبوب کتاب مقدس از Éxodo 20

به اشتراک گذاشتن

«Nogaga cä TAYTA DIOSNIQUIMI. Egiptucho uyway car ñacarcaycajtami noga jorgamushcä. «Nogapita mas juctaga ama ‹diosnë› ninquichu.

«Aduranayquipäga imatapis ama ruranquichu syëlucho caj-nirajta, cay pachacho caj-nirajta, lamar rurincho caj-nirajtapis. Chaycunapa ñaupanmanga ama gongurpacunquichu ni aduranquipischu. Nogallami TAYTA DIOSNIQUEGA cä. Japalläta aduramänayquitami munä. Mana wiyacamar ïdulucunata adurajcunataga castigashaj maman-taytanta, wamranta, willcanta mas willcan cajtapis.

«Mamayquita taytayquita alli ricanqui. Chaynöpami goycunäpaj caycaj nasyuncho edäyänayquicama alli cawanquipaj.

«Ama gonganquichu säbadu jamay junäga rispitädu cashanta.

«TAYTA DIOSPA jutinta ama jogarinquichu manacajpäga. Manacajcunallapaj jutinta jogarej cajtaga castigangami.

Semänacho sojta junajmi arunqui. Chay junajcunacho rurayniquicunata ruranqui. Sojta junajpa warannin junäga TAYTA DIOSTA aduranayquipaj säbadu jamay junajmi. Chay junäga ama arunquichu, quiquiqui, ollgu ni warmi wamrayqui, ollgu ni warmi uywayniqui, uywayquicuna, ni lagacamoj runacunapis.

«Ama munapaychu runa-masiquipa ima-aycantapis. Ama munapaychu warminta, ni uywayninta warmita ollgutapis, törunta ni bürruntapis, ni imantapis paypa cajtaga.»

«Ama manacajtaga pitapis jitapanquichu.

«Majayoj caycar jucwanga ama cacunquichu.

«Ama wañuchicoj canquichu.

«Ama suwacunquichu.