آیات محبوب کتاب مقدس از Afosoro 5

به اشتراک گذاشتن

Inaibitaro i dera fuyo ode sina weta amarama wei, etei Amaranu ifuro da weboe we kakara usi wei. Yanu ueta eawe. Jerusaremu su uwara nesina yanu sina nauita wei. Eno uteda yana waita, Yesunu uieta sina urumu yabai ibinu eno waita weiro nautate Fitaini afosoro uwarama weita, Godinu imueta mubeisi. Nono emenu imueta da mubeisi weita. Yana Yesu korosiro oitaro ui.

Kowa woroworo dera dubu su ubarero o uwaranu su ubarero Yesu Kerisonu kotofu sina we inarebita.

Ananaiasi moana oi wo fariro Fitama wei, Ananaiasi Seitaninu mai imueta aneba munite Godinu Imumu Kotofuba irutasu wei? Anu nasini mairo oiya utaro muni i oi moana ma feare odinute moana are matasu, iba Imumu Kotofu irutasu wei. Bodere i nasini anu. Nono weiro i nasini oiya utaro i oi nesia ana muni iba i oi nesina anu. Aneba siosa imueta nenoma imutasu? Emeba irutawaro Godibai irutasugo wei. Eno weiro Ananaiasi nauite dowareda daido ba ui. Ba uiro me siniba iba iro ibita naueta uwara iya derawere uyata.

Iba ewa uwara ekodiawe watane wei. Emanu uetana emenu uetana dowafisu. Emanu uetana Godinu ueta uteibitaitana da mu saboita. Mu saboitana Godini uraneiboita iba watane. Weiba kanisoro uwarama danu sina nautate i afosoro uwara yua weitaro fataro isuma utate Yesunu ifuro da we mawetu uforo we kakara uteda siaia uta.