YouVersion Logo
Search Icon

ᒨᓯᓯ ᓯᕗᓪᓖᑦ 1

1
ᐱᓐᖑᖅᑎᑕᐅᓂᐅᑉ ᐅᓂᒃᑲᐅᓯᐅᓂᖓ
1ᐱᒋᐊᕐᖕᓂᕐᖕᒥ ᒎᑎ ᐱᓐᖑᖅᑎᑦᓯᓚᐅᖅᐳᖅ ᕿᓚᖕᓂᒃ ᓄᓇᕐᔪᐊᕐᖕᒥᒡᓗ. 2ᓄᓇᕐᔪᐊᕐᓕ ᐋᖅᑭᒃᓯᒪᓚᐅᓐᖏᓚᖅ ᓱᓇᑕᖃᕋᓂᓗ, ᐃᑎᔪᕐᔪᐊᒥᒃ ᑖᖅᑐᐊᓘᓪᓗᓂ; ᒎᑎᐅᓪᓗ ᐊᓂᕐᖕᓂᖓ ᐃᖏᕐᕋᓚᐅᖅᐳᖅ ᐃᒫᓘᑉ ᖁᓛᒍᑦ. 3#2 ᑯᕆᓐᑎ 4:6.ᒎᑎᓗ ᐅᖃᖅᐳᖅ, “ᖃᐅᒪᔪᖃᕐᓕ” ᖃᐅᒪᔪᒥᒡᓗ ᓴᖅᑭᑦᑐᖃᖅᐳᖅ. 4ᒎᑎᐅᓪᓗ ᖃᐅᒪᔪᖅ ᕿᒥᕐᕈᒐᒥᐅᒃ ᓈᒻᒪᒋᕚ; ᒎᑎᐅᓪᓗ ᖃᐅᒪᔪᖅ ᐊᕕᑎᑉᐹ ᑖᖅᑐᒥᑦ, 5ᒎᑎᐅᓪᓗ ᖃᐅᒪᔪᖅ ᑍᕚ ᐅᓪᓗᒥᒃ, ᑖᖅᑐᕐᓗ ᑍᓪᓗᒍ ᐅᓐᓄᐊᒥᒃ. ᐅᓐᓄᐊᕐᓗ ᐊᓂᒍᕐᖕᒪᑦ ᐅᓪᓛᓐᖑᖅᐳᖅ, ᑕᕝᕙ ᐅᓪᓗᖅ ᓯᕗᓪᓕᖅᐹᖅ.
6 # 2 ᐲᑦᑐᕉᓯ 3:5. ᒎᑎᓗ ᐅᖃᕆᕗᖅ, “ᐃᒪᖅ ᖁᓕᒥᐅᑕᖅᑖᕐᓕ ᐊᐅᓚᖏᑦᑐᒥᒃ ᐃᒪᐅᑉ ᕿᑎᖓᓂ, ᐊᕕᒃᓯᓗᓂ ᐃᒪᕐᖕᒥᒃ ᐃᒪᕐᖕᓂᒡᓗ.” 7ᒎᑎᓗ ᑕᕝᕙ ᓴᓇᕗᖅ ᐊᐅᓚᖏᑦᑐᒥᒃ ᐊᕕᒃᓗᒋᑦ ᐃᒪᖅ ᐊᓪᓕᐅᓕᖅᓗᓂ ᐃᒪᕐᖕᒥᑦ ᖁᓕᕆᔭᒥᓂᑦ ᑍᒤᓕᖓᓕᓚᐅᖅᐳᖅ. 8ᒎᑎᐅᓪᓗ ᖁᓛᓕᐊᓂ ᐊᐅᓚᖏᑦᑐᖅ ᑍᕙ ᕿᓚᖕᒥᒃ. ᐅᓐᓄᐊᕐᓗ ᐊᓂᒍᕐᖕᒪᑦ ᐅᓪᓛᓐᖑᖅᐳᖅ, ᑕᕝᕙ ᐅᓪᓘᑉ ᐂᑉᐸᖓ.
9ᒎᑎᓗ ᐅᖃᕆᕗᖅ, “ᐃᒪᕐᔪᐊᖅ ᕿᓚᐅᑉ ᐊᑖᓂᑦᑐᖅ ᑲᑎᓪᓕ ᐊᑕᐅᓯᕐᖕᒧᑦ, ᓄᓇᓗ ᐸᓂᖅᑐᖅ ᓴᖅᑭᓕᕐᓕ.” ᑍᒤᓕᖅᐳᕐᓗ. 10ᒎᑎᐅᓪᓗ ᐸᓂᖅᑐᖅ ᑍᕚ ᓄᓇᕐᔪᐊᒥᒃ, ᐃᒪᖅ ᐊᑕᐅᓯᕐᖕᒧᑦ ᑲᑎᓯᒪᔪᖅ ᑍᓪᓗᓂᐅᒃ ᐃᒪᕐᔪᐊᕐᖕᒥᒃ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ. 11ᐊᒻᒪ ᒎᑎ ᐅᖃᕆᕗᖅ, “ᓄᓇᕐᔪᐊᖅ ᖃᓄᐃᑦᑐᑐᐃᓐᓇᕐᖕᓂᒃ ᐱᕈᖅᑐᖃᕐᓕ, ᐱᕈᖅᑐᓂᒃ ᐱᕈᖅᓯᐊᒃᓴᖃᕈᓐᓇᖅᑐᓂᒃ, ᐸᐅᕐᖓᓕᖕᓂᒡᓗ ᓇᐹᖅᑐᓂᒃ ᐸᐅᕐᖓᖏᓪᓗ ᐱᕈᖅᓯᐊᒃᓴᖃᖅᓗᑎᒃ ᐃᓗᐊᒍᑦ, ᐊᑐᓂᑦ ᖃᓄᐃᑦᑑᓂᑎᒃ ᒪᓕᒡᓗᒋᑦ ᓄᓇᒥ.” ᑍᒤᓕᖅᐳᕐᓗ. 12ᓄᓇᕐᔪᐊᕐᓗ ᐱᕈᖅᑐᖃᓕᖅᐳᖅ, ᐱᕈᖅᑐᑦ ᐊᑦᔨᒥᖕᓂᒃ ᐱᕈᖅᓯᐊᒃᓴᓖᑦ, ᓇᐹᖅᑐᓪᓗ ᐸᐅᕐᖓᓖᑦ ᐱᕈᖅᓯᐊᒃᓴᓖᑦ ᐸᐅᕐᖓᒥᖕᓂᒃ, ᖃᓄᐃᑦᑑᓂᑎᒃ ᒪᓕᒡᓗᒋᑦ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ. 13ᐅᓐᓄᐊᖑᓚᐅᖅᓗᓂ ᐅᓪᓛᖑᓕᕆᕗᖅ, ᑕᕝᕙ ᐅᓪᓗᐃᑦ ᐱᖓᔪᐊᑦ.
14ᒎᑎᓗ ᐅᖃᕆᕗᖅ, ᖃᐅᒪᔫᖕᓂᒃ ᓴᖅᑭᑦᑐᖃᕐᓕ ᐊᐅᓚᖏᑦᑐᒥ ᕿᓚᖕᒥ ᐅᓪᓗᕐᓗ ᐅᓐᓄᐊᕐᓗ ᐊᕕᓯᒪᖁᓪᓗᒋᒃ; ᑖᒃᑯᐊ ᓇᓗᓁᒃᑯᑕᐅᓂᐊᕐᖕᒪᑕ ᐅᑭᐅᖃᑦᑕᖅᑐᒧᑦ ᐊᐅᔭᕈᖃᑦᑕᖅᑐᒧᓪᓗ ᐅᓪᓗᓄᑦ ᐊᕐᕌᒍᓄᓪᓗ. 15ᑖᒃᑯᐊᓗ ᖃᐅᒪᔪᒃᓴᐅᓪᓗᑎᒃ ᐊᐅᓚᖏᑦᑐᒥ ᕿᓚᖕᒥ ᓄᓇᕐᔪᐊᕐᖕᒥᒃ ᖃᐅᒪᑎᑦᓯᖁᓪᓗᒋᑦ, ᑍᒤᓕᖅᐳᕐᓗ. 16ᒎᑎᓗ ᒪᕐᕉᖕᓂᒃ ᖃᐅᒪᑎᑦᓯᓂᖅᐹᖕᓂᒃ ᐱᓐᖑᖅᑎᑦᓯᕗᖅ, ᖃᐅᒪᓂᖅᓴᖅ ᐊᐅᓚᑦᓯᖁᓪᓗᒍ ᐅᓪᓗᒃᑯᑦ, ᖃᐅᒪᖏᓐᓂᖅᓴᕐᓗ ᐊᐅᓚᑦᓯᖁᓪᓗᒍ ᐅᓐᓄᐊᒃᑯᑦ; ᐅᓪᓗᕆᐊᓪᓗᑦᑕᐅᖅ ᐱᓐᖑᖅᑎᑉᐰᑦ. 17ᑖᒃᑯᐊᓗ ᒎᑎᐅᑉ ᐊᐅᓚᖏᑦᑐᒥ ᕿᓚᖕᒥ ᐃᓂᖃᖅᑎᑉᐰᑦ ᓄᓇᕐᔪᐊᖅ ᖃᐅᒪᑎᑕᐅᖁᓪᓗᒍ, 18ᖃᐅᒪᓂᖅᐹᖅᑕᖃᖁᓪᓗᒍ ᐅᓪᓗᒃᑯ ᐅᓐᓄᐊᒃᑯᓪᓗ ᑖᖅᑐᐊᓗᒃ ᐊᕕᒡᓗᒍ ᖃᐅᒪᔪᒥᑦ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ. 19ᐅᓐᓄᐊᖑᓚᐅᖅᓗᓂ ᐅᓪᓛᖑᓕᕆᕗᖅ, ᑕᕝᕙ ᐅᓪᓗᐃᑦ ᓯᑕᒪᖓᑦ.
20ᒎᑎᓗ ᐅᖃᕆᕗᖅ, “ᐃᒪᖅ ᐃᒪᕐᖕᒥᐅᑕᓂᒃ ᐆᒪᔪᖃᕐᓕ ᐅᓄᖅᑐᕐᔪᐊᓂᒃ, ᓯᓚᓗ ᑎᖕᒥᐊᖃᕐᓕ ᓄᓇᐅᑉ ᖁᓛᒎᑦ ᑎᖏᕙᒃᑐᓂᒃ ᕿᓚᖕᒥ ᐊᐅᓚᖏᑦᑐᒥ.” 21ᑍᒫᒃ ᒎᑎ ᐱᓐᖑᖅᑎᑦᓯᕗᖅ ᐆᒪᔪᐊᓗᖕᓂᒃ ᐊᖏᔪᓂᒃ ᐃᑎᔪᒥᐅᑕᕐᖕᓂᒃ ᐆᒪᔪᓕᒫᓂᒡᓗ ᐃᖏᕐᕋᔪᓐᓇᖅᑐᓂᒃ, ᐃᒪᕐᖕᒥᐅᑕᕐᖕᓂᒃ ᐃᒻᒥᒍᑦ ᐊᑦᔨᒌᖕᓂᖃᖅᑐᓂᒃ ᐅᓄᖅᑐᕐᔪᐊᓂᒃ, ᑎᖕᒥᐊᓂᒡᓗ ᐃᒻᒥᒍᑦ ᐊᑦᔨᒌᖕᓂᖃᖅᑐᓂᒃ ᐅᓄᖅᑐᕐᔪᐊᓂᒃ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ. 22ᒎᑎᐅᓪᓗ ᓮᒻᒪᖅᑎᑉᐰᑦ, ᐅᖃᖅᓗᓂ, ᕿᑐᕐᖏᐅᓕᕆᑦᓯ ᐅᓄᖅᓯᓗᓯᓗ ᐃᒪᕐᕕᒃ ᐆᒪᔪᓂᒃ ᑕᑕᓪᓗᒍ, ᑎᖕᒥᐊᓪᓗ ᐅᓄᖅᓯᓕᑦ ᓄᓇᕐᔪᐊᕐᖕᒥ. 23ᐅᓐᓄᐊᖑᓚᐅᖅᓗᓂ ᐅᓪᓛᓐᖑᖅᐳᖅ ᑕᕝᕙ ᐅᓪᓗᑦ ᑕᓪᓕᒪᖓᑦ.
24ᒎᑎᓗ ᐅᖃᕆᕗᖅ, “ᓄᓇᕐᔪᐊᖅ ᐆᒪᔪᖃᕐᓕ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ; ᐱᓱᒃᑎᓂᒃ ᐹᕐᖑᖅᑐᓂᒡᓗ ᓄᓇᒥ ᓄᔪᐊᖅᑐᓂᒃ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ.” ᑍᒤᓕᖅᐳᕐᓗ. 25ᒎᑎᐅᓪᓗ ᑕᒪᕐᖕᒥᒃ ᑕᒪᒃᑯᐊ ᐱᓐᖑᖅᑎᑉᐰᑦ ᐆᒪᔪᐃᑦ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ, ᐹᕐᖑᖅᑐᓪᓗ ᒪᓂᖅᑲᒥ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ, ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.
26 # 1 ᑯᕆᓐᑎ 11:7. ᑕᕝᕙ ᒎᑎ ᐅᖃᕆᕗᖅ, “ᒫᓐᓇᓕ ᐃᓄᖕᒥᒃ ᐊᑦᔨᑦᑎᓐᓂᒃ ᓴᓇᓚᐅᖅᑕ, ᐅᕙᑦᑎᓐᓂᒃ ᐊᑦᔨᖃᐸᓗᖕᓂᐊᖅᑐᓂᒃ; ᐊᖓᔪᖅᑲᐅᓂᐊᖅᑐᓂᒃ ᐃᖃᓗᖕᓄᑦ ᐃᒪᕐᖕᒥᐅᑕᓄᓪᓗ, ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᐆᒪᔪᓕᒫᓄᓪᓗ ᓄᔪᐊᖏᑦᑐᓄᑦ, ᓄᓇᒦᑦᑐᓕᒫᓄᓪᓗ, ᐹᕐᖑᖅᑐᓄᓪᓗ ᑕᒤᓐᓂᒃ ᓄᓇᒥ ᐹᕐᖑᖅᑐᓕᒫᓄᑦ.” 27#ᒨᓯᓯ ᓯᕗᓪᓖᑦ 5:1,2.#ᒫᑎᐅᓯ 19:4; ᒫᑯᓯ 10:6.ᑕᕝᕙ ᒎᑎ ᓴᓇᕗᖅ ᐃᓄᖕᒥᒃ ᐃᒻᒥᑐᑦ ᐊᑦᔨᖃᖅᑎᓪᓗᒍ, ᑕᕝᕙ ᒎᑎ ᐊᑦᔨᒥᓂᒃ ᐃᓄᖕᒥᒃ ᓴᓇᕗᖅ; ᐂᑉᐹ ᐊᖑᑕᐅᓪᓗᒍ ᐂᑉᐹᓗ ᐊᕐᖕᓇᐅᓪᓗᒍ ᓴᓇᕚᒃ. 28ᒎᑎᐅᓪᓗ ᑖᒃᑯᐊᒃ ᓮᒻᒪᖅᑎᑉᐹᒃ, ᐅᖃᐅᑎᓪᓗᒋᒡᓗ, “ᕿᑐᕐᖏᐅᕆᑦᓯᒃ ᐅᓄᖅᑐᕐᔪᐊᓂᒃ ᓄᓇᕐᔪᐊᖅ ᑕᑕᓪᓗᒍ ᐊᐅᓚᓕᖅᓗᒍᓗ; ᐊᖓᔪᖅᑲᐅᕕᒋᓕᖅᓗᒋᑦ ᐃᖃᓗᐃᑦ ᐃᒫᓃᑦᑐᑦ ᑎᖕᒥᐊᓪᓗ ᖃᖓᑕᕙᒃᑐᑦ ᐆᒪᔪᓕᒫᓪᓗ ᓄᓇᒥ ᐊᐅᓚᕙᒃᑐᑦ.” 29ᒎᑎᓗ ᐅᖃᕆᕗᖅ, “ᑕᑯᒋᑦ, ᑐᓂᓯᕕᒋᕙᑦᓯ ᖃᓄᐃᑦᑐᑐᐃᓐᓇᕐᖕᓂᒃ ᐱᕈᖅᑐᓂᒃ ᑕᒤᓐᓂᒃ ᐱᕈᖅᓯᐊᒃᓴᓕᐅᖅᑐᓂᒃ ᓄᓇᕐᔪᐊᕐᖕᒥ, ᓇᐹᖅᑐᓂᒡᓗ ᑕᒤᓐᓂᒃ ᐱᕈᖅᓯᐊᒃᓴᓕᖕᓂᒃ ᐸᐅᕐᖓᒥᖕᓂᒃ; ᑕᒪᒃᑯᓂᖓ ᓂᕿᒃᓴᖃᖁᓪᓗᓯ. 30ᐊᒻᒪᑦᑕᐅᖅ ᐆᒪᔪᓕᒫᑦ ᓄᓇᕐᔪᐊᕐᖕᒥ, ᑎᖕᒥᐊᓕᒫᓪᓗ ᖃᖓᑕᕙᒃᑐᑦ, ᐹᕐᖑᖅᑐᓕᒫᓪᓗ ᓄᓇᒥ, ᐊᓂᖅᑎᕆᔪᓐᓇᖅᑐᓕᒫᑦ ᓄᓇᕐᔪᐊᕐᖕᒥ, ᐱᕈᖅᑐᓕᒫᑦ ᑐᖑᔪᖅᑐᑦ ᓂᕿᒃᓴᐅᖁᓪᓗᒋᑦ ᑐᓂᕙᒃᑲ.” ᑕᒪᓐᓇᓗ ᑍᒤᓕᖅᐳᖅ. 31ᒎᑎᐅᓪᓗ ᐱᓐᖑᖅᑎᑕᓂ ᑕᒪᕐᖕᒥᒃ ᕿᒥᕐᕈᕔᑦ, ᑕᑯᓪᓗᒋᑦ ᓈᒻᒪᒋᒻᒪᕆᒃᐰᑦ. ᐅᓐᓄᐊᖑᓚᐅᖅᓗᓂ ᐅᓪᓛᖑᓕᖅᐳᖅ ᑕᕝᕙ ᐅᓪᓗᑦ ᐱᖓᓲᔪᖅᑐᖓᑦ.

YouVersion uses cookies to personalize your experience. By using our website, you accept our use of cookies as described in our Privacy Policy