Dwyt ti Heb Orffen Eto

Coda a Dos Ati

Rhoi iddo e dy Bryder

Dewiswyd — Datgelu'r Wraig yn Nghrist

Hadau: Beth a Pham

Ymrwymo dy Waith i'r Arglwydd

Ymarfer y Ffordd

Beth yw fy Mhwrpas? Dysgu i Garu Duw a Charu Eraill

Y Golomen

Llawenydd ar gyfer y Daith: Dod o Hyd i Obaith yng Nghanol y Treial

<div class="version vid394 iso6393cym" data-vid="394" data-iso6393="cym">
 <div class="book bk1SA">
 <div class="chapter ch26" data-usfm="1SA.26">
 <div class="label">26</div><div class="s">Dafydd yn Arbed Bywyd Saul Eto</div><div class="m"> 1Daeth y Siffiaid at Saul i Gibea a dweud, &#8220;Onid yw Dafydd yn llechu ym mryn Hachila gyferbyn &#226; Jesimon?&#8221; 2Aeth Saul ar unwaith i lawr i ddiffeithwch Siff, a thair mil o w&#375;r dewisol Israel gydag ef, i chwilio am Ddafydd yno. 3Gwersyllodd Saul ar y briffordd ym mryn Hachila gyferbyn &#226; Jesimon, tra oedd Dafydd yn aros yn yr anialwch. 4Pan welodd Dafydd fod Saul yn dod i'r anialwch ar ei &#244;l, anfonodd ysbiwyr a chael sicrwydd fod Saul wedi dod. 5Aeth Dafydd ar unwaith i'r man lle'r oedd Saul yn gwersyllu, a gweld lle'r oedd ef a'i gadfridog Abner fab Ner yn cysgu. Yr oedd Saul yn cysgu yng nghanol y gwersyll, a'r milwyr yn gwersyllu o'i gwmpas. 6Troes Dafydd a gofyn i Ahimelech yr Hethiad ac Abisai fab Serfia, brawd Joab, &#8220;Pwy a ddaw i lawr gyda mi i'r gwersyll at Saul?&#8221; Atebodd Abisai, &#8220;Fe ddof fi gyda thi.&#8221; 7Aeth Dafydd ac Abisai i blith y milwyr liw nos, a dyna lle'r oedd Saul yn gorwedd ac yn cysgu yn y canol, a'i waywffon wedi ei gwthio i'r ddaear yn ymyl ei ben, ac Abner a'r milwyr yn gorwedd o'i amgylch. 8Dywedodd Abisai wrth Ddafydd, &#8220;Y mae'r ARGLWYDD wedi rhoi dy elyn heddiw yn dy law; gad imi ei drywanu i'r ddaear &#226;'r waywffon ag un ergyd; ni fydd angen ail.&#8221; 9Ond dywedodd Dafydd wrth Abisai, &#8220;Paid &#226;'i ladd. Pwy a fedr estyn llaw yn erbyn eneiniog yr ARGLWYDD a bod yn ddieuog?&#8221; 10Ac ychwanegodd Dafydd, &#8220;Cyn wired &#226; bod yr ARGLWYDD yn fyw, bydd yr ARGLWYDD yn sicr o'i daro; un ai fe ddaw ei amser, a bydd farw, neu ynteu fe &#226; i frwydr a cholli ei fywyd. 11Yr ARGLWYDD a'm gwaredo rhag i mi estyn fy llaw yn erbyn eneiniog yr ARGLWYDD. Cymer di y waywffon sydd wrth ei ben, a'i gostrel dd&#373;r, ac fe awn.&#8221; 12Cymerodd Dafydd y waywffon a'r gostrel dd&#373;r oedd yn ymyl pen Saul, ac ymaith &#226; hwy heb i neb weld na gwybod na deffro. Yr oedd pawb yn cysgu, am i'r ARGLWYDD anfon trymgwsg arnynt. 13Dringodd Dafydd trwy'r bwlch a sefyll draw ar gopa'r mynydd, &#226; chryn bellter rhyngddo a hwy. 14Yna gwaeddodd Dafydd ar y milwyr, ac ar Abner fab Ner, a dweud, &#8220;Pam nad wyt ti'n ateb, Abner fab Ner?&#8221; Atebodd Abner, &#8220;Pwy wyt ti, sy'n gweiddi ar y brenin?&#8221; 15Ac meddai Dafydd wrth Abner, &#8220;Onid wyt ti'n ddyn? Pwy sydd debyg i ti yn Israel? Pam ynteu na fyddit wedi gwarchod dy feistr, y brenin, pan ddaeth rhywun i'w ladd? 16Nid da yw'r peth hwn a wnaethost; cyn wired &#226; bod yr ARGLWYDD yn fyw, yr ydych yn wir yn haeddu marw am beidio &#226; gwarchod eich meistr, eneiniog yr ARGLWYDD. Edrych yn awr; ple mae gwaywffon y brenin, a'r gostrel dd&#373;r oedd wrth ei ben?&#8221; 17Adnabu Saul lais Dafydd, a dywedodd, &#8220;Ai dy lais di ydyw, fy mab Dafydd?&#8221; Atebodd Dafydd, &#8220;Ie, f'arglwydd frenin.&#8221; 18Ychwanegodd, &#8220;Pam y mae f'arglwydd yn erlid ei was? Beth a wneuthum, a pha ddrwg sydd ynof? 19Gwrandawed f'arglwydd frenin yn awr ar eiriau ei was. Os yr ARGLWYDD sydd wedi dy annog i'm herbyn, derbynied offrwm; ond os bodau meidrol, bydded iddynt fod dan felltith gerbron yr ARGLWYDD, am iddynt fy ngyrru allan heddiw rhag cael fy rhan yn etifeddiaeth yr ARGLWYDD, a dweud, &#8216;Dos, addola dduwiau eraill.&#8217; 20Paid &#226; gadael i'm gwaed ddisgyn i'r ddaear allan o bresenoldeb yr ARGLWYDD; oherwydd fe ddaeth brenin Israel allan i geisio chwannen, fel un yn hela petrisen mynydd.&#8221; 21Ac meddai Saul, &#8220;Yr wyf ar fai; tyrd yn &#244;l, fy mab Dafydd, oherwydd ni wnaf niwed iti eto, am i'm bywyd fod yn werthfawr yn dy olwg heddiw. B&#251;m yn ynfyd, a chyfeiliornais yn enbyd.&#8221; 22Yna atebodd Dafydd, &#8220;Dyma'r waywffon, O frenin; gad i un o'r llanciau ddod drosodd i'w chymryd. 23Y mae'r ARGLWYDD yn talu'n &#244;l i bob un am ei gyfiawnder a'i ffyddlondeb; oherwydd fe roddodd yr ARGLWYDD di yn fy llaw heddiw, ond nid oeddwn am estyn fy llaw yn erbyn eneiniog yr ARGLWYDD. 24Fel y bu dy einioes di yn werthfawr yn fy ngolwg i heddiw, bydded f'einioes innau yn werthfawr yng ngolwg yr ARGLWYDD, i'm hachub o bob cyni.&#8221; 25Dywedodd Saul wrth Ddafydd, &#8220;Bendith arnat, fy mab Dafydd; fe wnei di orchestion a llwyddo.&#8221; Wedi hynny aeth Dafydd i ffwrdd, a dychwelodd Saul adref.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk1SA">
 <div class="chapter ch27" data-usfm="1SA.27">
 <div class="label">27</div><div class="s">Dafydd ymhlith y Philistiaid</div><div class="m"> 1Meddyliodd Dafydd, &#8220;Rhyw ddiwrnod fe'm difethir trwy law Saul; y peth gorau i mi fydd dianc draw i wlad Philistia, fel na fydd gan Saul obaith dod o hyd imi yn unman o fewn cyrrau Israel; a byddaf yn ddiogel o'i gyrraedd.&#8221; 2Felly cychwynnodd Dafydd, a'r chwe chant o ddynion oedd gydag ef, a mynd at Achis fab Maoch, brenin Gath. 3Arhosodd Dafydd gydag Achis yn Gath, ef a'i ddynion a'u teuluoedd; a chyda Dafydd yr oedd ei ddwy wraig, Ahinoam o Jesreel ac Abigail, gwraig Nabal o Garmel. 4Pan ddywedwyd wrth Saul fod Dafydd wedi ffoi i Gath, rhoddodd yntau'r gorau i chwilio amdano.</div><div class="p"> 5Dywedodd Dafydd wrth Achis, &#8220;Os gweli'n dda, gad imi gael lle i fyw yn un o'r trefi cefn gwlad. Pam y dylai dy was fyw yn y brifddinas gyda thi?&#8221; 6Yr adeg honno rhoddodd Achis iddo Siclag, a dyna pam y mae Siclag yn perthyn i frenhinoedd Jwda hyd heddiw. 7Am gyfnod o flwyddyn#27:7 Felly Groeg. Hebraeg, o ddyddiau. a phedwar mis y bu Dafydd yn byw yng nghefn gwlad Philistia.</div><div class="p"> 8Byddai Dafydd a'i filwyr yn mynd allan ac yn ymosod ar y Gesuriaid a'r Gersiaid a'r Amaleciaid (oherwydd hwy oedd yn preswylio'r wlad o Telam#27:8 Felly Groeg. Hebraeg, erstalwm., ar y ffordd i Sur, hyd at yr Aifft). 9Pan fyddai'n taro ardal, ni adawai'n fyw na dyn na dynes; a byddai'n cymryd defaid, gwartheg, asynnod, camelod a gwisgoedd, ac yna'n dychwelyd at Achis. 10Pan fyddai Achis yn gofyn, &#8220;I ble'r oedd eich cyrch heddiw?&#8221; byddai Dafydd yn ateb, &#8220;O, yn erbyn Negef Jwda&#8221;; neu, &#8220;Yn erbyn Negef y Jerahmeeliaid&#8221;; neu, &#8220;Yn erbyn Negef y Ceneaid&#8221;. 11Nid oedd Dafydd yn gadael yr un dyn na dynes yn fyw i gario newyddion i Gath, rhag iddynt adrodd yr hanes a dweud, &#8220;Fel hyn y gwnaeth Dafydd, a dyma'i arfer tra bu'n byw yng nghefn gwlad Philistia.&#8221; 12Yr oedd Achis yn credu Dafydd ac yn meddwl, &#8220;Yn sicr y mae wedi ei ffieiddio gan ei bobl Israel, a bydd yn was i mi am byth.&#8221;</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk1SA">
 <div class="chapter ch28" data-usfm="1SA.28">
 <div class="label">28</div><div class="m"> 1Yr adeg honno casglodd y Philistiaid eu lluoedd arfog i ryfela ag Israel. Dywedodd Achis wrth Ddafydd, &#8220;Yr wyf am i ti wybod dy fod ti a'th ddynion i fynd allan gyda mi yn y fyddin.&#8221; 2Dywedodd Dafydd, &#8220;Cei wybod felly beth a all dy was ei wneud.&#8221; Ac meddai Achis, &#8220;Am hynny yr wyf yn dy benodi'n warchodwr personol i mi am byth.&#8221;</div><div class="s">Saul a Dewines Endor</div><div class="m"> 3Yr oedd Samuel wedi marw, ac yr oedd Israel gyfan wedi galaru amdano a'i gladdu yn ei dref ei hun, Rama. Ac yr oedd Saul wedi gyrru ymaith y dewiniaid a'r swynwyr o'r wlad.</div><div class="p"> 4Pan ymgasglodd y Philistiaid a dod a gwersyllu yn Sunem, fe gasglodd Saul Israel gyfan a gwersyllu yn Gilboa. 5Ond, pan welodd Saul wersyll y Philistiaid, cododd ofn a dychryn mawr yn ei galon. 6Ceisiodd Saul yr ARGLWYDD, ond nid oedd yr ARGLWYDD yn ateb trwy freuddwydion na bwrw coelbren na phroffwydi. 7Yna dywedodd Saul wrth ei weision, &#8220;Chwiliwch am ddewines, imi ymweld &#226; hi i ofyn ei chyngor.&#8221; 8Dywedodd ei weision wrtho, &#8220;Y mae yna ddewines yn Endor.&#8221; Newidiodd Saul ei ymddangosiad, a gwisgo dillad gwahanol, ac aeth &#226; dau ddyn gydag ef a dod at y ddynes liw nos a dweud, &#8220;Consuria imi trwy ysbryd, a dwg i fyny ataf y sawl a ddywedaf wrthyt.&#8221; 9Dywedodd y ddynes wrtho, &#8220;Fe wyddost beth a wnaeth Saul, ei fod wedi difa'r dewiniaid a'r swynwyr o'r wlad; pam felly yr wyt ti'n ceisio fy rhwydo a'm lladd?&#8221; 10Tyngodd Saul iddi yn enw'r ARGLWYDD, &#8220;Cyn wired &#226; bod yr ARGLWYDD yn fyw, ni ddaw dim niwed iti o hyn.&#8221; 11Yna gofynnodd hi, &#8220;Pwy a ddygaf i fyny iti?&#8221; Dywedodd yntau, &#8220;Dwg Samuel i fyny imi.&#8221; 12Pan welodd y ddynes Samuel, gwaeddodd &#226; llais uchel, a dweud wrth Saul, &#8220;Pam yr wyt wedi fy nhwyllo? Saul wyt ti.&#8221; 13Dywedodd y brenin wrthi, &#8220;Paid ag ofni; beth wyt yn ei weld?&#8221; Ac meddai'r ddynes wrth Saul, &#8220;Rwy'n gweld ysbryd yn dod i fyny o'r ddaear.&#8221; 14Gofynnodd yntau, &#8220;Sut ffurf sydd iddo?&#8221; Atebodd hithau, &#8220;Hen &#373;r yn gwisgo mantell sy'n dod i fyny.&#8221; Deallodd Saul mai Samuel oedd, a gostyngodd ar ei wyneb i'r llawr ac ymgrymu. 15Yna dywedodd Samuel wrth Saul, &#8220;Pam yr wyt wedi aflonyddu arnaf a dod &#226; mi i fyny?&#8221; Atebodd Saul, &#8220;Y mae'n gyfyng iawn arnaf; y mae'r Philistiaid yn rhyfela yn f'erbyn, a Duw wedi fy ngadael; nid yw'n fy ateb mwyach drwy na phroffwydi na breuddwydion, a gelwais arnat ti i ddweud wrthyf beth i'w wneud.&#8221; 16Ac meddai Samuel, &#8220;Ond pam yr wyt yn gofyn i mi, a'r ARGLWYDD wedi dy adael a dod yn wrthwynebwr iti? 17Y mae'r ARGLWYDD wedi gwneud fel y dywedodd trwof fi, ac wedi rhwygo'r deyrnas o'th law di a'i rhoi i'th gymydog Dafydd. 18Am na wrandewaist ar lais yr ARGLWYDD, na gweithredu llymder ei lid yn erbyn yr Amaleciaid, dyna pam y mae'r ARGLWYDD wedi gwneud hyn i ti heddiw. 19Bydd yr ARGLWYDD yn rhoi Israel a thithau hefyd yn llaw'r Philistiaid; yfory byddi di a'th feibion gyda mi, a bydd yr ARGLWYDD yn rhoi byddin Israel yn llaw'r Philistiaid.&#8221; 20Syrthiodd Saul ar unwaith ar ei hyd ar lawr, mewn ofn enbyd oherwydd geiriau Samuel, ac aeth yn gwbl ddiymadferth am nad oedd wedi bwyta tamaid am ddiwrnod a noson gyfan. 21Pan ddaeth y ddynes at Saul gwelai ei fod wedi cynhyrfu drwyddo, a dywedodd wrtho, &#8220;Edrych, fe wrandawodd dy wasanaethferch arnat, a chymerais fy mywyd yn fy nwylo trwy wrando ar yr hyn a ddywedaist wrthyf; 22yn awr, gwrando dithau ar dy wasanaethferch, a gad imi osod o'th flaen damaid o fwyd iti ei fwyta, er mwyn adfer dy nerth ar gyfer dy daith.&#8221; 23Ond gwrthododd, a dweud nad oedd am fwyta. Wedi i'w weision a'r ddynes bwyso arno, gwrandawodd arnynt, a chodi oddi ar lawr ac eistedd ar y gwely. 24Yr oedd gan y ddynes lo pasgedig yn y cwt, a brysiodd i'w ladd; hefyd cymerodd flawd a'i dylino a phobi bara croyw. 25Yna fe'u gosododd o flaen Saul a'i weision; ac wedi iddynt fwyta, aethant ymaith ar unwaith y noson honno.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk1SA">
 <div class="chapter ch29" data-usfm="1SA.29">
 <div class="label">29</div><div class="s">Y Philistiaid yn Gwrthod Dafydd</div><div class="m"> 1Casglodd y Philistiaid eu holl fyddin i Affec, ac yr oedd Israel yn gwersyllu ger ffynnon yn Jesreel. 2Yr oedd tywysogion y Philistiaid yn gorymdeithio fesul cannoedd a miloedd, a Dafydd a'i filwyr yn gorymdeithio yn olaf, gydag Achis. 3Ac meddai capteiniaid y Philistiaid, &#8220;Pwy yw'r Hebreaid hyn?&#8221; Atebodd Achis hwy: &#8220;Dafydd, wrth gwrs, gwas Saul brenin Israel; y mae wedi bod gyda mi am flwyddyn, os nad dwy, ac nid wyf wedi cael dim o'i le ynddo o'r diwrnod y cyrhaeddodd hyd heddiw.&#8221; 4Ond aeth capteiniaid y Philistiaid yn ddig wrtho a dweud, &#8220;Anfon y dyn i ffwrdd; aed yn &#244;l i'r lle a ddarperaist iddo. Ni chaiff ddod i lawr gyda ni i'r frwydr, rhag iddo droi'n wrthwynebydd i ni yn ystod y frwydr. Sut y gallai hwn ennill ffafr ei arglwydd yn well nag &#226; phennau'r milwyr hyn? 5Onid hwn yw Dafydd, yr oeddent yn canu amdano yn y dawnsfeydd:</div><div class="b"></div><div class="q">&#8220; &#8216;Lladdodd Saul ei filoedd,</div><div class="q">a Dafydd ei fyrddiynau&#8217;?&#8221;</div><div class="b"></div><div class="m"> 6Galwodd Achis ar Ddafydd a dweud, &#8220;Cyn wired &#226; bod yr ARGLWYDD yn fyw, yr wyt yn ddyn cywir ac wedi ymddwyn yn foddhaol yn fy ngolwg tra buost gyda mi yn y gwersyll; nid wyf wedi cael dim o'i le ynot ti o'r dydd y daethost ataf hyd heddiw; ond nid wyt yn dderbyniol yng ngolwg tywysogion y Philistiaid. 7Felly'n awr, dychwel, a dos mewn heddwch, rhag iti dramgwyddo tywysogion y Philistiaid.&#8221; 8Dywedodd Dafydd wrth Achis, &#8220;Ond beth a wneuthum? Pa fai a gefaist ti yn dy was, o'r dydd y deuthum atat hyd heddiw, fel na chaf ddod i ryfela yn erbyn gelynion f'arglwydd frenin?&#8221; 9Atebodd Achis a dweud wrth Ddafydd, &#8220;Gwn dy fod cystal ag angel yn fy ngolwg i, ond y mae tywysogion y Philistiaid wedi dweud na chei di ddod gyda ni i'r frwydr. 10Felly, yn gynnar bore yfory, bydd di, a gweision eraill dy arglwydd a ddaeth gyda thi, yn barod; byddwch yn barod i gychwyn cyn gynted ag y bydd yn olau.&#8221; 11Cododd Dafydd a'i filwyr yn gynnar drannoeth i fynd yn &#244;l i Philistia, ac aeth y Philistiaid ymlaen i Jesreel.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk1SA">
 <div class="chapter ch30" data-usfm="1SA.30">
 <div class="label">30</div><div class="s">Rhyfel yn erbyn yr Amaleciaid</div><div class="m"> 1Pan gyrhaeddodd Dafydd a'i filwyr yn &#244;l i Siclag ymhen tridiau, yr oedd yr Amaleciaid wedi gwneud cyrch ar y Negef ac ar Siclag, ac wedi ymosod ar Siclag a'i llosgi. 2Yr oeddent wedi cymryd yn gaeth y gwragedd oedd yno, yn ifanc a hen; nid oeddent wedi lladd neb, ond mynd &#226; hwy i'w canlyn wrth ymadael. 3Pan gyrhaeddodd Dafydd a'i ddynion, yr oedd y dref wedi ei llosgi &#226; th&#226;n, a'u gwragedd, eu meibion a'u merched wedi mynd i gaethiwed. 4Torrodd Dafydd a'i ddynion allan i wylo'n uchel, nes eu bod yn rhy wan i wylo rhagor. 5Yr oedd dwy wraig Dafydd wedi eu caethgludo, sef Ahinoam o Jesreel ac Abigail o Garmel, gwraig Nabal. 6Aeth yn gyfyng iawn ar Ddafydd, oherwydd bod y bobl yn bygwth ei labyddio am fod ysbryd pob un o'r bobl yn chwerw o achos ei feibion a'i ferched ei hun; ond cafodd Dafydd nerth gan yr ARGLWYDD ei Dduw. 7Dywedodd Dafydd wrth yr offeiriad Abiathar fab Ahimelech, &#8220;Tyrd &#226;'r effod yma i mi.&#8221; Wedi i Abiathar ddod &#226;'r effod at Ddafydd, 8ymofynnodd Dafydd &#226;'r ARGLWYDD, a gofyn, &#8220;Os af ar &#244;l y fintai hon, a ddaliaf hwy?&#8221; Atebodd ef, &#8220;Dos ar eu h&#244;l; yr wyt yn sicr o'u dal a sicrhau gwaredigaeth.&#8221; 9Cychwynnodd Dafydd a'r chwe chant o filwyr oedd gydag ef, a dod i nant Besor, lle'r arhosodd rhai. 10Aeth Dafydd a phedwar cant ohonynt yn eu blaen, ond arhosodd dau gant ar &#244;l am eu bod yn rhy flinedig i groesi nant Besor.</div><div class="p"> 11Daethant ar draws rhyw Eifftiwr allan yn y wlad, ac wedi dod ag ef at Ddafydd, rhoesant iddo fwyd i'w fwyta a d&#373;r i'w yfed. 12Wedi iddynt roi iddo deisen ffigys a dau swp o rawnwin i'w bwyta, daeth ato'i hun, oherwydd nid oedd wedi bwyta tamaid nac yfed diferyn ers tri diwrnod a thair noson. 13Gofynnodd Dafydd iddo, &#8220;I bwy yr wyt ti'n perthyn, ac o ble'r wyt ti'n dod?&#8221; Atebodd, &#8220;Llanc o'r Aifft wyf fi, caethwas i Amaleciad; ond gadawodd fy meistr fi ar &#244;l am fy mod wedi mynd yn glaf dridiau'n &#244;l, 14pan oeddem wedi gwneud cyrch yn erbyn Negef y Cerethiaid a'r Jwdeaid, a Negef Caleb, a rhoi Siclag ar d&#226;n.&#8221; 15Yna gofynnodd Dafydd iddo, &#8220;A ei di &#226; mi at y fintai hon?&#8221; Ac meddai yntau, &#8220;Tynga imi yn enw Duw na wnei di fy lladd na'm rhoi yng ngafael fy meistr, ac mi af &#226; thi at y fintai hon.&#8221; 16Aeth &#226; hwy, a dyna lle'r oeddent, ar wasgar dros wyneb yr holl dir, yn bwyta, yn yfed ac yn dawnsio o achos yr holl ysbail fawr a gymerwyd ganddynt o wlad y Philistiaid ac o Jwda. 17Trawodd Dafydd hwy o'r cyfnos hyd nos drannoeth, heb i neb ohonynt ddianc, ar wah&#226;n i bedwar cant o lanciau a ffodd ar gefn camelod. 18Achubodd Dafydd y cwbl yr oedd yr Amaleciaid wedi ei gymryd, ac achub ei ddwy wraig hefyd. 19Nid oedd yr un ohonynt ar goll, o'r hynaf i'r ieuengaf, na bechgyn na genethod, nac ychwaith ddim o'r ysbail a gymerwyd gan yr Amaleciaid; cafodd Dafydd y cwbl yn &#244;l. 20Wedi i Ddafydd adennill yr holl ddefaid ac ychen, gyrasant rai o flaen y lleill a dweud, &#8220;Ysbail Dafydd yw hyn.&#8221; 21Daeth Dafydd at y ddau gant o ddynion oedd yn rhy flinedig i'w ganlyn, ac a oedd wedi eu gadael wrth nant Besor. Daethant hwythau allan i gyfarfod Dafydd a'r bobl oedd gydag ef; a phan ddaeth Dafydd yn ddigon agos, cyfarchodd hwy. 22Ond dyma'r dynion drwg a'r dihirod oedd ymysg y dynion a aeth gyda Dafydd yn dweud, &#8220;Gan na ddaethant hwy gyda ni, ni rown iddynt ddim o'r ysbail a achubwyd gennym; yn unig fe gaiff pob un gymryd ei wraig a'i blant a mynd ymaith.&#8221; 23Ond dywedodd Dafydd, &#8220;Gymrodyr, nid felly y gwnewch &#226;'r hyn a roddodd yr ARGLWYDD i ni; fe'n cadwodd ni, a rhoi'r fintai a ymosododd arnom yn ein gafael. 24Pwy a fyddai'n cytuno &#226; chwi yn hyn o beth? Na, yr un fydd rhan y sawl sy'n mynd i'r frwydr &#226; rhan y sawl sy'n aros gyda'r offer; y maent i rannu ar y cyd.&#8221; 25Ac felly y bu, o'r diwrnod hwnnw ymlaen; a daeth hyn yn rheol ac yn arfer yn Israel hyd heddiw.</div><div class="p"> 26Wedi i Ddafydd ddychwelyd i Siclag, anfonodd beth o'r ysbail i henuriaid Jwda ac i'w gyfeillion, a dweud, &#8220;Dyma rodd i chwi o ysbail gelynion yr ARGLWYDD.&#8221; 27Fe'i hanfonwyd i'r rhai oedd ym Methel, Ramoth-negef, Jattir, 28Aroer, Siffmoth, Estemoa, 29Rachal, trefi'r Jerahmeeliaid a'r Ceneaid, 30Horma, Borasan, Athac, 31Hebron, a'r holl fannau y byddai Dafydd a'i filwyr yn eu mynychu.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk1SA">
 <div class="chapter ch31" data-usfm="1SA.31">
 <div class="label">31</div><div class="s">Lladd Saul a'i Feibion</div><div class="r"> 1 Cron. 10:1&#8211;12</div><div class="m"> 1Ymladdodd y Philistiaid yn erbyn yr Israeliaid, a ffodd yr Israeliaid rhag y Philistiaid, a syrthio'n glwyfedig ar Fynydd Gilboa. 2Daliodd y Philistiaid Saul a'i feibion, a lladd Jonathan, Abinadab a Malcisua, meibion Saul. 3Aeth y frwydr yn galed yn erbyn Saul; daeth y dynion oedd yn saethu &#226; bw&#226;u o hyd iddo, a chlwyfwyd ef yn ddifrifol gan y saethwyr. 4Yna dywedodd Saul wrth ei gludydd arfau, &#8220;Tyn dy gleddyf a thrywana fi, rhag i'r rhai dienwaededig hyn ddod a'm trywanu a'm gwaradwyddo.&#8221; Nid oedd ei gludydd arfau'n fodlon, oherwydd yr oedd ofn mawr arno; felly cymerodd Saul y cleddyf a syrthio arno. 5Pan welodd y cludydd arfau fod Saul wedi marw, syrthiodd yntau ar ei gleddyf, a marw gydag ef. 6Felly bu farw Saul a'i dri mab a'i gludydd arfau#31:6 Hebraeg yn ychwanegu a'i holl w&#375;r hefyd. yr un diwrnod &#226;'i gilydd. 7Pan welodd yr Israeliaid oedd yr ochr draw i'r dyffryn a thros yr Iorddonen fod dynion Israel wedi ffoi, a bod Saul a'i feibion wedi marw, gadawsant y trefi a ffoi; yna daeth y Philistiaid a byw ynddynt.</div><div class="p"> 8Trannoeth, pan ddaeth y Philistiaid i ysbeilio'r lladdedigion, cawsant Saul a'i dri mab wedi syrthio ar Fynydd Gilboa. 9Torasant ei ben ef, a chymryd ei arfau oddi arno, ac anfon drwy Philistia i gyhoeddi'r newydd da yn nheml eu delwau ac i'r bobl. 10Rhoesant ei arfau yn nheml Astaroth, a chrogi ei gorff ar fur Beth-sean. 11Pan glywodd trigolion Jabes-gilead beth oedd y Philistiaid wedi ei wneud i Saul, 12aeth pob rhyfelwr ohonynt ar unwaith liw nos a chymryd corff Saul a chyrff ei feibion oddi ar fur Beth-sean, a'u cludo i Jabes a'u llosgi yno. 13Yna cymerasant eu hesgyrn a'u claddu dan y dderwen yn Jabes, ac ymprydio am saith diwrnod.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bkPSA">
 <div class="chapter ch57" data-usfm="PSA.57">
 <div class="label">57</div><div class="d">I'r Cyfarwyddwr: ar Na Ddinistria. Michtam. I Ddafydd, pan ddihangodd rhag Saul yn yr ogof.</div><div class="q"> 1Bydd drugarog wrthyf, O Dduw, bydd drugarog wrthyf,</div><div class="q">oherwydd ynot ti yr wyf yn llochesu;</div><div class="q">yng nghysgod dy adenydd y mae fy lloches</div><div class="q">nes i'r stormydd fynd heibio.</div><div class="q"> 2Galwaf ar y Duw Goruchaf,</div><div class="q">ar y Duw sy'n gweithredu drosof.</div><div class="q"> 3Bydd yn anfon o'r nefoedd i'm gwaredu;</div><div class="q">bydd yn cywilyddio'r rhai sy'n gwasgu arnaf;</div><div class="qr">Sela</div><div class="b"></div><div class="q">bydd Duw yn anfon ei gariad a'i wirionedd.</div><div class="q"> 4Yr wyf yn byw yng nghanol llewod,</div><div class="q">rhai sy'n traflyncu pobl,</div><div class="q">a'u dannedd yn bicellau a saethau,</div><div class="q">a'u tafod yn gleddyf miniog.</div><div class="q"> 5Ymddyrchafa'n uwch na'r nefoedd, O Dduw,</div><div class="q">a bydded dy ogoniant dros yr holl ddaear.</div><div class="q"> 6Y maent wedi gosod rhwyd i'm traed,</div><div class="q">ac wedi darostwng#57:6 Felly Fersiynau. Hebraeg, a darostyngodd. fy mywyd;</div><div class="q">y maent wedi cloddio pwll ar fy nghyfer,</div><div class="q">ond hwy eu hunain fydd yn syrthio iddo.</div><div class="qr">Sela</div><div class="b"></div><div class="q"> 7Y mae fy nghalon yn gadarn, O Dduw,</div><div class="q">y mae fy nghalon yn gadarn;</div><div class="q">fe ganaf a rhoi mawl.</div><div class="q"> 8Deffro, fy enaid,</div><div class="q">deffro di, nabl a thelyn.</div><div class="q">Fe ddeffroaf ar doriad gwawr.</div><div class="q"> 9Rhof ddiolch i ti, O Arglwydd, ymysg y bobloedd,</div><div class="q">a chanmolaf di ymysg y cenhedloedd,</div><div class="q"> 10oherwydd y mae dy gariad yn ymestyn hyd y nefoedd,</div><div class="q">a'th wirionedd hyd y cymylau.</div><div class="q"> 11Ymddyrchafa'n uwch na'r nefoedd, O Dduw,</div><div class="q">a bydded dy ogoniant dros yr holl ddaear.</div>
 </div>
 </div>
</div>

To The Word 2020Sampl

Ysgrythur

Am y Cynllun hwn

Cynlluniau Tebyg