Defosiynau ar gyfer y Grawys o 'Holy Bible: Mosaic'Sampl

Watchman Nee (China, 1903-1972)

Rhaid i Dduw ddod â ni i fan arbennig – fedra i ddim dweud sut y bydd pethau ond fe fydd yn gwneud hyn – ble, drwy brofiad tywyll a dwfn, bydd ein pŵer naturiol yn cael ei gyffwrdd ac yn y bôn yn cael ei wanhau, fel nad ydym yn meiddio trystio ein hunain. Mae e wedi gorfod delio efo rhai ohonon ni’n llym iawn, a’n cymryd drwy ffyrdd anodd a phoenus, i’n cael ni i’r lle iawn. Ond, wedyn, o leiaf, gall ddechrau ein defnyddio.

Fe hoffem ni gael marwolaeth ac atgyfodiad wedi’u gosod o fewn awr i’w gilydd. Fedrwn ni ddim wynebu’r ffaith y gall Duw ein cadw’n disgwyl am mor hir, gymaint na all wn ddisgwyl. A fedra i ddim dweud pa mor hir y bydd e’n cymryd, ond mewn egwyddor, dw i’n meddwl ei bod hi’n saff i ddweud y bydd e’n dy gadw di yna am amser penodol. Mae’r cyfan mewn tywyllwch, ond ddim ond am un noson. Rhaid iddo fod, yn wir, am un noson, ond dyna’r cyfan. Yn dilyn hyn fe fyddi’n darganfod fod y cwbl wedi’i roi nôl i ti mewn atgyfodiad gorfoleddus, a does dim all fesur y gwahaniaeth rhwng beth oedd o’r blaen a sydd yna nawr!