Y Salmau 67:1-7

Bydded Duw yn drugarog wrthym a'n bendithio, bydded llewyrch ei wyneb arnom, Sela er mwyn i'w ffyrdd fod yn wybyddus ar y ddaear, a'i waredigaeth ymysg yr holl genhedloedd. Bydded i'r bobloedd dy foli, O Dduw, bydded i'r holl bobloedd dy foli di. Bydded i'r cenhedloedd lawenhau a gorfoleddu, oherwydd yr wyt ti'n barnu pobloedd yn gywir, ac yn arwain cenhedloedd ar y ddaear. Sela Bydded i'r bobloedd dy foli, O Dduw, bydded i'r holl bobloedd dy foli di. Rhoes y ddaear ei chnwd; Duw, ein Duw ni, a'n bendithiodd. Bendithiodd Duw ni; bydded holl gyrrau'r ddaear yn ei ofni.