Mathew 9:27-31

Wrth i Iesu fynd oddi yno dilynodd dau ddyn dall ef gan weiddi, “Trugarha wrthym ni, Fab Dafydd.” Wedi iddo ddod i'r tŷ daeth y deillion ato, a gofynnodd Iesu iddynt, “A ydych yn credu y gallaf wneud hyn?” Dywedasant wrtho, “Ydym, syr.” Yna cyffyrddodd â'u llygaid a dweud, “Yn ôl eich ffydd boed i chwi.” Agorwyd eu llygaid, a rhybuddiodd Iesu hwy yn llym, “Gofalwch na chaiff neb wybod.” Ond aethant allan a thaenu'r hanes amdano yn yr holl ardal honno.