Job 19:23-29

O na fyddai fy ngeiriau wedi eu hysgrifennu! O na chofnodid hwy mewn llyfr, wedi eu hysgrifennu â phin haearn a phlwm, a'u naddu ar garreg am byth! Oherwydd gwn fod fy amddiffynnwr yn fyw, ac y saif o'm plaid yn y diwedd; ac wedi i'm croen ddifa fel hyn, eto o'm cnawd caf weld Duw. Fe'i gwelaf ef o'm plaid; ie, fy llygaid fy hun a'i gwêl, ac nid yw'n ddieithr. Y mae fy nghalon yn dyheu o'm mewn. “Os dywedwch, ‘Y fath erlid a fydd arno, gan fod gwreiddyn y drwg ynddo,’ yna arswydwch rhag y cleddyf, oherwydd daw cynddaredd â chosb y cleddyf, ac yna y cewch wybod fod barn.”