Eseia 5:20-24

Gwae’r rhai sy’n galw drwg yn dda a da yn ddrwg, sy’n dweud fod tywyllwch yn olau a golau yn dywyllwch, sy’n galw’r chwerw yn felys a’r melys yn chwerw! Gwae’r rhai sy’n meddwl eu bod nhw’n ddoeth, ac yn ystyried eu hunain mor glyfar! Gwae’r rhai sy’n arwyr wrth yfed gwin – ac yn meddwl eu bod nhw’n rêl bois wrth gymysgu’r diodydd; y rhai sy’n gollwng troseddwyr yn rhydd am freib, ac yn gwrthod rhoi dedfryd gyfiawn i’r dieuog. Felly, fel gwellt yn llosgi yn y fflamau a gwair yn crino yn y gwres, bydd eu gwreiddiau yn pydru a’u blagur yn cael ei chwythu ymaith fel llwch. Am eu bod wedi gwrthod beth mae’r ARGLWYDD hollbwerus yn ei ddysgu, a chymryd dim sylw o neges Un Sanctaidd Israel.