Adnodau Beiblaidd Poblogaidd o oMatiyu 7

Rhanna

<<Ala do Owuso oka koza ni ala ba yimu oya dala, labo koza ni ala bayimu ebe ko Owuso ala bapye; ala gwofunu ko Owuso oya gwa dala.

Kpiri kase ni do Owuso oka koza oya danu; ase ni labo koza ebe ko Owuso oya ma; ase ni gwofunu ko Owuso, Owuso ya gwa danu.

<<Ni olemani oni, kpiri kase ni pwela hin mani kweyi yoko kpanu, olema byo oziyi ni mole nu ikweyi kikyikpo ni.

Ni olemani, oza ni ala ba yimu shini ase na ya dala, ala ya dawa mamani; omani pini wozafofu kono ko Omusa kpa awinobane la.>>

Byoni olemani, owe pyopyi pini ya byaha golayi kweyi ase gbayayi pini ba bwu la.

<<Ala gobula ko Owuso bwo owe kofunu pyopyi. Koni owe kofunu gwogwa kpo owe gwogwa ya byase gikwu ko gbogbo-gbogbo, ase lewa ba bwanu la.

Owoni ala ase bibi bagye ko dayi kala oza neshi ni abadoka ni, Ada kala ni yiso ni gbotu neshi shala ni ya dala oza ni ala badoka ni!

<<Ala kakwase epwo lo, shini Owuso naka kwala epwo lo. Byoni ala ba kwase epwo ni, mamani pini Owuso ya kwala epwo la, owe ni ala bwu ome ala kwase epwo ni, owe ni pini Owuso ya bwu ya kwala epwo la.

Ase ni ke pwela hin mani kweyi tela ko yoko kpanu, olema byase yeye ni mole ikweyi kisisagye ni.

<<Ojiya ni oya mikpo kikyashi iyi ko yene wo, kweyi osho ogbulo ni yipu kiyi wo ni bita? Oya kado oyene wo moji, wa na yikpo kikyashi ni yipu kiyi wo ni ngma; ome awo ke gbo ogbulo yiyi wo?

<<Ala gbera kpa awobane ko kame. Aba webe kala byo otukpo ni gbotu neneshi, ipu kotu wa alema byi iwo kikyashi niba yala ofoni. Bwebe koza yo yawa ala ba gyuwa. Ala ba pyo ogwogwa kofig bwefu kigye lo, kwo odu ya gwigye lo.

Mamani oni, edo kefu loshu ya gwa nyakwu, kweyi efu ni ya gbere yagwa tititi.

Efu loshu yagwa tititi lo, mamani efu niya gbere yagwa nyakwu lo.

Kpiri kefu ni gwa neshi lo, aba yigo kweyi ta gola.