Adnodau Beiblaidd Poblogaidd o oMatiyu 6

Rhanna

Mani oni, ikyikyo ala labo ko obula ko Owuso kpo oneshi nu, oza ni ala ba yimu kpiri oya dala.

Ni olemani ala ka byotu ikyeni ikweyi ko oza ni ala ba yimu okyi lo, okyi ime ala byotu koza ni ala ba yimu ni. Eno kpiri gbo oza ni ala ba byotu ikweyi nu ni.

<<Ni, olemani nyya ka dala mo, ala ka byotu ikweyi kowushoshu kala lo, ela kozarore kpinyi gwogwa; kwe ela kikpiye kpoza ko shoko. Owushoshu kala shozarore lo, kwe ikpiye kala shiyo lo?

Ishini ala ba tinarigwu, ala gipu ko oda, yofunu gwu kweyi ala tinarigwu da Ada kala, ni aba mo lo ni. Shini Ada kala, ni yamoza ni ala baya tebani, na da ala abola.

Inarigwu ni ala ba tani yoma: <Ada ka ni yipu kiso ni, Ashawiye koni owo Owuso sere ni. Obula wo nawa, asuse na yoza ko otuwo, ipu kese byoni aba yo ipu kiso ni.

Daha ozarore kaha kikyeni.

Yozalabi ka gbaha, byoni aha ba gbawase ni yaha ozalabi ni.

Ka byaha gipu komama lo, kweyi ngmaha shabo kibiri.>

<<Owoni ala yigbase ni yala ozalabi ni, Ada kala ni yiso ni yayigba la.

Ala ma awigbano ni bawu iso ni, aba toza lo kwe aba kizire lo, aba shizire owuya lo, kwikyikyeni Ada kala ni yiso ni ya dawozarore. Ala ke shawi igbano mani ebe nu lo?

<<Ala ka yo Odu kala kpo tukpa ese mani lo, ebeni eha yatu kwe oya kwoka ni lo, kwe ebeni awowiyi agege akyofunu kweyi agoda ga wiyi lo ni. Byoni olemani oni ala yodu kala tukpa iso, ebeni eha yatu kwe oya kwoka lo ni, ebeni awowiyi ba gege ko kyofunu goda ga wiyi lo ni. Ebeni odu kala yanuni, ebeni pini otu kala yayanu la.

<<Ashishe ya gege yagbeshe dadole epa ishi oye kponu lo. Oyatela koye kweyi yimu koye, agboso oye kweyi yatela koye. Byoni olemani oni oya gege ya yimu ko Owuso kpi ikwiri lo.>>

Owoni olemani pini Owuso ya shakyashi iyo la, ala muwa ikyeni kweyi okyi ayuwa kpo shakyala, ala awine kotuse gbayayi, oya gege ya shala iyo ni shoshi sha kakyashi ni lo?

Mani oni, owoni oya doleha eshi, kayoyene wo niyo kpa awo naka gyoza ni oyaya ni lo. Owoni oya mani, ase ni odanu eshi ni kpo Owuso na gyoza ni oyaya ni. Shini Ada kala niya moza ni asuse baya tebani kpiri na dala abola neshi.>>

<<Ala gbera, ozayoya neshi kala naka wakiyi kasuse niba kala ni lo. Owoni ala yamani, ala bagbabola neshi ebe ka Ada kala ni yiso ni lo.

<<Owoni ala ba kwokwunu, ala ka gbiyi byoni awoyoziyi baya ni lo, aba yiyiwa gbo shini ase nagye mo aba kwokwunu. Nyya ka dala okwokwoshi, akwobonu pya abola wa kpiri ebe kasuse pini yoma. Ishini ala ba kwokwunu, ala yahiyi kala na, ala nyano ikweyi kala. Ala ya mani shini ase na kagye mo ala ba kwokwunu lo, shini Ada kala fufunu ni ase ba mo lo ni kin nagye, kweyi Ada ni ya moza ni ala baya tebani, na dala abola.