ROMA 6
6
Meti welingu la njala dàngu na luri pambulu dànya i Karitu
1Jàka tuna nu nggikina wàndaka bàdi? Lupangu-ka ihu ta-panutakungu pawunda manjala ka na-parukangu-mbu i Ala pa-namuta? 2Nda tuna nua! Nda na tauku-atapa njala jia ba tuna, nggiki hama peku panu-takungu-ndakaka pawunda njala la lurinda? 3Màla dimi angu dedi, ipidunya ba papa-mbulungu lai Karitu-ta nu ba parunu-nda? Nu ba tuna pa-pambulungu-taka la metina. 4Nu la pa-runungu pa-taningu-taka dàngu i Karitu dàngu hi tameti karia-nya Nyuna, màtawa ka hama tuna i Karitu ba pahada-nya welingu la meti paraï mbihana i Ama na mamanga-rangu, ka tuna numbu nyuta ba taluri wàngu luri bidi.
5Jàka mbàda pa-mbulungu-ndaka dàngu i Karitu ba tameti karia-nya Nyuna, napa ta-pambulu daa-mbunya Nyuna maa ba pa-paluri beli-mbuta nyuta hama tuna Nyuna. 6Tapi-manya na huri tau memanda ba mbàda pameti kariangu-yaka dàngu i Karitu la ai harikangu, ka peku pa-talàpu-ya na hurinda na manjala; nu ba tuna nda na-ata-andapa njala.
7Nadu jàka nameti na haàtu tau, pa-pahàla-yaka na tau nuna welingu la lima njala. 8Jàka mbàda meti karia-ndanyaka i Karitu, tawai-maya ba taluri karia-mbunya Nyuna napa. 9Maa ba tapi-manya ba mbàda paluri-yaka i Karitu welingu la meti dàngu ba nda nahili meti-apa; mbàda nda tauku-ana-nyapa meti. 10Na meti na padeni-na i Karitu, meti lumu njalaya. Nuna nu na handàka juangu-a lundu nu - nu. Tàka na luri na paera-na nàhu luri-nanya ndumana i Ala. 11Màtawa nyimimbu kai kaka wikimi ba meti pa-hàlangu-minyaka la njala na nyuna luri-minyaka la papuingu-mi na ma-jorutu dàngu i Ala lai Karitu Yehu.
12Àmbu pahia-dunyapa na njala patauku-ya na lurimu na manda payatangu ka àmbu unamatu niya na pambuha etimu na ma-akatu. 13Àmbu pahia-dunja da anggota tàda ihimu ka natauku-ha njala la pawunda wànja ma-akatu. Na nyuna pa-jàmangu-wa wikimu lai Ala hama tuna tau mambàda lelingu la luri welingu la meti. Pajàma ndàba-nyawa na lurimu lai Ala ka wunda wànja pambuhana i Ala. 14Àmbu natauku-dukai njala ba nda luri-minya la lumbu uku anggama Yahundi-apa, tàka la lumbu pa-namungu-na i Ala-kaika.
Ata la pambuha-na i Ala
15Màla nggikina wàndaka nàhu na mbu-lunguna? Pekuna ihu ka tawunda bia manjala ba nda la lumbu uku anggama Yahundi-atapa, maa ba la lumbu pa-namungu-na i Ala-taka? Nda hidama! 16Mipi-dunya dimi jàkai pa-jàmangu wikimi la haàtu la panunjuya na pambuha-na ba ata-nanggai paraïna nu na tau na ngia pa-karàda-mi – ka ata njalakai na mairu ngàdikai la meti, jàka ndia ka ata ma-manundu lai Alakai, dàngu ba timi nu pa-hàmungu beli-minyaka dàngu i Ala. 17Tàka ba tuna malangu-na i Ala! Nadu ba ata njalakai làti àmangu, tàka nàhu weli eti-mika panunju lii panaungu mapa-deningu na pambàda wuangu-kai. 18Mbàda pahàla-kaika welingu la njala, tàka nàhu ata la pambuha-na i Ala-kaika. 19Rukuna ba nda natoma hàmu na pangàdangu-mi, kupanii wànggai ngerangu la ata, ka peku mudana na-jàngapu-minya. Àmangu ipajàma ndàbanya na ihi daami ba atakai la ma-iraku dàngu la ma-akatu hangia - hangia hi kiri tumbuna na ma-iraku. Tuna numbu nàhu màtawa kai pajàma ndàbanya na ihi daami ba ata la pambuha-na i Alakai pawunda wàngu pawuku-na i Ala da ma-paihikungu.
20Ba jiaya na ata-nanggai njala, nda natauku-akai pambuha-na i Ala. 21Màla la rehi nu nggàra utungu-yaka na pangala-mi welingu la pawunda - pawunda da pa-makia-mi nàhu la pahili wundaha? Nuda da pawunda orangu-danya la metima-a! 22Na nyuna nàhu pa-pahàla-kaika welingu la njala, hi atana i Ala-kaika. Na utungu-mi nu jiaya ba pahinggilu-ya na lurimi ndumana i Ala, tàka nuna nu na-orangu la luri na ma-langatàka dàngu na ma-palupangu. 23Nadu na meti wunda njalaya; tàka na luri na ma-langatàka dàngu na ma-palupangu lai Karitu Yehu na Mirinda jiaya na pawua juana i Ala.
S'ha seleccionat:
ROMA 6: KAM
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
@LAI 1995 Indonesian Bible Society (Lembaga Alkitab Indonesia)