Versets bíblics populars de ROMA 6

Comparteix

Nadu na meti wunda njalaya; tàka na luri na ma-langatàka dàngu na ma-palupangu lai Karitu Yehu na Mirinda jiaya na pawua juana i Ala.

Àmbu natauku-dukai njala ba nda luri-minya la lumbu uku anggama Yahundi-apa, tàka la lumbu pa-namungu-na i Ala-kaika.

Nu la pa-runungu pa-taningu-taka dàngu i Karitu dàngu hi tameti karia-nya Nyuna, màtawa ka hama tuna i Karitu ba pahada-nya welingu la meti paraï mbihana i Ama na mamanga-rangu, ka tuna numbu nyuta ba taluri wàngu luri bidi.

Àmbu pahia-dunja da anggota tàda ihimu ka natauku-ha njala la pawunda wànja ma-akatu. Na nyuna pa-jàmangu-wa wikimu lai Ala hama tuna tau mambàda lelingu la luri welingu la meti. Pajàma ndàba-nyawa na lurimu lai Ala ka wunda wànja pambuhana i Ala.

Tapi-manya na huri tau memanda ba mbàda pameti kariangu-yaka dàngu i Karitu la ai harikangu, ka peku pa-talàpu-ya na hurinda na manjala; nu ba tuna nda na-ata-andapa njala.

Màtawa nyimimbu kai kaka wikimi ba meti pa-hàlangu-minyaka la njala na nyuna luri-minyaka la papuingu-mi na ma-jorutu dàngu i Ala lai Karitu Yehu.

Jàka tuna nu nggikina wàndaka bàdi? Lupangu-ka ihu ta-panutakungu pawunda manjala ka na-parukangu-mbu i Ala pa-namuta? Nda tuna nua! Nda na tauku-atapa njala jia ba tuna, nggiki hama peku panu-takungu-ndakaka pawunda njala la lurinda?

Mipi-dunya dimi jàkai pa-jàmangu wikimi la haàtu la panunjuya na pambuha-na ba ata-nanggai paraïna nu na tau na ngia pa-karàda-mi – ka ata njalakai na mairu ngàdikai la meti, jàka ndia ka ata ma-manundu lai Alakai, dàngu ba timi nu pa-hàmungu beli-minyaka dàngu i Ala.

Tàka ba tuna malangu-na i Ala! Nadu ba ata njalakai làti àmangu, tàka nàhu weli eti-mika panunju lii panaungu mapa-deningu na pambàda wuangu-kai. Mbàda pahàla-kaika welingu la njala, tàka nàhu ata la pambuha-na i Ala-kaika.