ROMA 5
5
Ba pa-hàmungu beli dàngu i Ala
1Nàhu mbàda pa-hàmungu beli-ndaka dàngu i Ala rukuna ba tapawai. Tuna nuduka hi taluri#hi taluri;da lawiti ndai da manda pirada: màlawa ka taluri. papeku dànya i Ala rukuna na Mirinda i Yehu Karitu. 2Rukuna ba tapawai lai Yehu ka pahia-nandaka la papàda-nya na pa-namungu-na i Ala, dàngu jiaya na pana-mungu nuna-duka na paluri wànda la rehi nàhu. Tuna nuduka hi tambaha eti#hi tambaha eti;jàka ndia, màlawa ka tambaha eti. ba tamonu-dunyaka napàda-ndanya napa na pa-ohangu pawua-nanda i Ala! 3Tàka nda didi biaya nuna, ta-hawola-mbuipa#ta-hawola-mbuipa;jàka ndia: Màlawa nyutambu ka ta-hawola. la mayila, maa ba tapi-dunya ba jiaya na mayila nuna na ma-patumbu-ya na torungu, 4tàka na-torungu na-patumbu-ya na pa-dàdungu; jia-duyaka yiana, na pa-dàdungu na ma-patumbu-ya na monungu. 5Napa na monungu tungu yia nda na-pahala-aya na etinda, nadu ba mbàda paihi-nanyaka na etinda wàngu pa-namungu-na paraïna i Ala. Nawunda-ya nuna i Ala rukuna i Ngahu Matua na pambàda wua-nanda.
6Ba ninda la nda payatangu-nda, nameti lumunda i Karitu la rehi pa-kawuku-na i Ala; tàka làti wàmu tau mamarau-nya i Alata duta nyuta. 7Nda namuda-a ka ningu tau ma-mbuhangu pameti lumu haàtu tau mamola. Talànga wanguna ningu ihu nyuna matoru mbeni pameti lumu haàtu tau hàmu. 8Na nyuna i Ala na-paloha-ndanya na mbuha-nanda nyuta, nu la meti lumu-nanda i Karitu ba nindapa la njala. 9Nàhu pa-hàmungu beli-ndanyaka dàngu i Ala ruku metina i Karitu; rukuna nuna jiangu-maka duna ba pa-pahàla-ta napa welingu la hànggana i Ala paraïna i Karitu. 10Jàka pa-papeku bi-duata dàngu i Ala nu la rehi papainda-nyapa ruku metina na Anana, ka na-rihipa duna la rehi nàhu ba nahàmu belika na papuingu-nda dàngu i Ala; jiangu-maka duna napa na-pamàna-nda ruku lurina i Karitu. 11Dàngu nda didi biaya nuna, ta-hawola wa-mbunyapa na hàmuna i Ala rukuna na Mirinda i Yehu Karitu. Nadu ba rukuna i Karitu-du hi kiri pàda-ndanya na papuingu hàmunda dàngu i Ala.
I Andamu dàngu i Karitu
12Ruku haàtu tau ba natama la njala la pinu tana, hi kiri ninya na meti rukuna nuna na njala. Hupu hàla luana, kaperaku ndàba-nanyaka meti nggubulu-na na tau pinu tana, maa ba mbàda njala ndàba-manaka na tau. 13Ba ndedi pa-wuangu-ya na uku anggama Yahundi, mbàda ni-manyaka na njala la pinu tana. Tàka nda pa-palimba-anya na njala ba nda ningudu uku papangga. 14Na nyuna ba tuna, piti welingu lai Andamu lundu lai Muha, na-kaliti dita ndàbaya meti nggubulu-na na tau pinu tana. Jiapa nyudambu da manda hamanya na dilina manjala i Andamu, na-kaliti dita-mbuha meti.
I Andamu ninu maüna Nyunaya na manàmu-nya la rehi malamiri. 15Na nyuna nda da-pahama-a; nadu ba kanjupu rihima-yapa duna na pawua-na i Ala jàka pame-njanya na dilina manjala i Andamu. Nadilina manjala na haàtu tau na-pawiti-nya na meti tau dangu. Kanjupu rihi-yaipa duna na pa-patumbu-na na pa-namungu-na i Ala dàngu na mànangu na pawua juana la tau na ma-kanjupu danguya, ruku hàmu eti haàtu tau, nu i Yehu Karitu. 16Nu na pawua juana i Ala kanjupu rihi-mbuyapa duna welingu la njalana nu na haàtu tau. Nadu ba nahàla-ka padili manjala na haàtu tau, tàka-nanyaka na ponihu, “Nanjala” wàna. Na nyuna ba nahàla ndàbaka padili manjala na tau dangu, tàka-nanyaka na pawua juana i Ala na mapeka-ya, na “Nda njala”. 17Nadu ruku dilina manjala na haàtu tau, là-mbatu-nanyaka na meti la nggi - nggini rukuna nu na haàtu tau. Kanjupu rihi-yaipa duna na ruku pawunda-na na tau haàtui, nu i Yehu Karitu. Rukuna Nyuna na-pabundu làndanya na pa-namungu-na paraïna i Ala la tau na ma-kanjupu danguya, dàngu ba nawua juanja mapeku ka da-pahàmungu beli dàngu i Ala; napa nyuda da-katangu kawaha la pinu tana mulana i Karitu.
18Jia ba tuna, hama tuna ba ruku dilina manjala na haàtu tau hi kiri huku ndàbanya nggubulu-na na tau, tuna numbu ba ruku pawunda-na na haàtu ba nanunju-ya na pa-mbuhana i Ala, hi kiri pahàlangu-na welingu la njala mbuu ndàbana na tau, hi wuanya luri. 19Dàngu hama tuna ba nadangu na tau na malua-ya la njala, rukuna ba nda na-manundu na haàtu, tuna numbu ba na-dangu na tau na pa-wuangu mapeku ka da-pahàmungu beli dàngu i Ala ruku manundu-na lai Ala na haàtu tau.
20Jiaya i Ala wikima na ma-wuangu-ya na uku anggama Yahundi. Na nyuna hama huka pa-mukarungu-na na tau la panunju-ya nuna na uku, hama huka pangga-madanyai na uku hi danjala la hanggana i Ala. Na nyuna ba tuna, hama huka wundana manjala na tau, hama huka-manai duna i Ala ba na-namuha nyuda. 21Ba tuna lupangu-maka duna làti tameti rukuna ba tanjala. Na nyuna nanamu biata i Ala hi nawua-nda ngarangia ka ta-pahàmungu beli dàngu Nyuna. Dàngu rukuna ba nahàmu belika na papuingu-nda dàngu i Ala, nawua-mbundanya na luri na ma-langatàka dàngu na ma-palupangu rukuna i Yehu Karitu, na Mirinda.
S'ha seleccionat:
ROMA 5: KAM
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
@LAI 1995 Indonesian Bible Society (Lembaga Alkitab Indonesia)