Jenɨzɨzɨ 17
17
Evɨramɨ gannya kɨlaakejɨkɨ gurya da'nyaa'.
(17:1-27)
1-22Evɨramɨ kwarame 99 wavɨlavakerɨ Gotɨyai wɨdɨna “Gotɨyainyɨ dɨragɨnyainyɨra.” Gotɨyai sara wɨdɨna kya' “Gotɨyai naangelyɨra,” daka walaruta'nyɨna. Walaruta'nyɨna kya' Gotɨyai wɨda' “Nɨnnya kɨwɨnya' gɨzaavɨde' gazagaasagaa' nebwi waragothesɨra. A'mwe gera geraavɨ kuvɨnɨmaangeigɨ jɨma'nade'na gɨnnya yaya' Evɨraamɨ wo'nadeigɨnyɨra. Gɨmɨrera pwara a'mwe naangera yɨma'nɨpɨ'derera. Sarɨmɨre Gotɨyainyɨra. Nɨmɨ sainyɨ Kwaaka Kainanɨ gɨmɨnyɨnajɨ gɨmɨre kaimɨraayaraavɨnajɨ yɨhɨzaavɨdeinyɨ. Gɨmɨjɨ gɨmɨnyɨ kaimɨraayarajɨ wawɨnya gɨthaayadɨvɨsarajɨ saihi kɨlaakejɨkɨ pɨkarya da'nyɨna jideihɨlyɨra. Bwaranyai sawɨta atina ata purɨdaaasɨ dawaai kajɨnnojɨ gamɨre kɨlaakejɨkɨ pɨkarya davɨna jideihɨlyɨra. Pɨkarya wanganapɨjɨ nɨmɨre kɨwɨnya' jawɨridesɨra. A'mwe pwai ‘Nɨmɨre kɨlaakejɨkɨ pɨkarya madapɨnera!’ kadozɨ ‘Namwaaladɨka!’ dapɨjɨ Evɨraamɨjɨyaraavɨ yuyagaa' yagalya'mavaderɨ duthaasidelyɨra. Gɨnnya balaanga' Seraa' yaya mudɨka kwo'nojɨ gɨmɨnyɨna kaimɨraayai mɨladesɨra. Gamɨ sa' kuvɨnaange' a'mwe gera geraavɨ yɨma'nadesɨra.” Sara kuda' Evɨraamɨ jɨka gyaka wɨda' “Yuya'naai a'mwe ne'naalyɨ. Seraa' kaimɨraayai gara mɨladevaka? O, Yɨzɨmelɨmɨna jawɨ'delyɨra.” Tɨvi'na kuda' Gotɨyai wɨdɨna “Yɨzɨmelɨmɨ tewaanya yɨde'na a'mwe naangeraavɨre kuvɨnɨmaangei yɨma'nadelyɨ. Sa'na kɨrɨ' kwarame pɨrɨ' kwavɨlavojɨ Seraa' kaimɨraayai gɨmɨnyɨna kamɨlojɨ ‘Aazakɨ,’ duthatheigɨnyɨ. Nabaai gamɨnyɨna nɨmɨre kɨwɨnya' wɨjaavɨdeinyɨ.” Tɨvi'na wɨdaka Gotɨyai Evɨraamɨmɨ yagalya'ma'na ya'.
23-27Yagalya'ma'na yakegaa' sagaa' Evɨraamɨjɨ a'mwe yuyarajɨ kunnya kɨlaakejɨkɨ pɨkarya da'nyɨna ye'.
Currently Selected:
Jenɨzɨzɨ 17: byr
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.