JAKARIA 3
3
Pinaintalang intor ra Tingganai Maayo Imam
1 Ralalom ru pinaintalang ra bokon, nanulu' Tuhan ra Tingganai Maayo Imam Josua raki'. Tingganai Maayo Imam Josua tatanga' minigor ra saang ru malaikat ru Tuhan. Tingganai ru riwato ondo' nakatampos noyo koson manguu' ri Josua, minigor ra sapapa' ri Josua. 2 Malaikat ru Tuhan minindagu ra Tingganai ru riwato, “Gama' ru mangukum Tuhan rirun, okou Tingganai ru riwato! Gama' ru Tuhan ondo' motogom ra Jirusalim mangukum rirun. Ulun ti koson ra polompor ru tataun ondo' binunduk intor ra apui.”
3Minigor i Josua ra giu' am nambayang ra ondo' majamol kaga'. 4Indagu malaikat no risilo ondo' mangindangan riso giu' ra suruga', “Patiri' min bayang majamol ondo' binayang ru ulun ti.” Kopongo raginio kono ri Josua, “Pinatiran ku noyo tula muno; mangani' aku rirun ra bayang bagu.”
5Nanusub io risilo ondo' mangindangan riso mampasampak ra serban mapasau ra ulu ri Josua, am binaal nilo. Ilo pana nampabayang boo ri Josua ra bayang bagu liliwa' malaikat ru Tuhan minigor ra giu' no.
6Kopongo raginio malaikat ru Tuhan nambala' ri Josua 7ra ragu ru Tuhan Ondo' Maayo Kaga' Kuasa', “Amon ru suguton mu ukum Kuno am mambaal ra kandoi ondo' taakin Kuno rirun, iowon kou manunggul ra kandoi koson ra tingganai giu' ra ralalom Baloi Kuno am niayuk koson manalingapu ra liliut nano. Rongogon Ku pakiasian muno, koson ra Aku riminongog ra pakiasian ru malaikat-malaikat ondo' giu' ra saang Kuno. 8 Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’. 9Pabantaan Ku rondo' batu tulu' persegi giu' ra saang ri Josua. Tulisin Ku ra tulisan-tulisan ra batu no. Ralalom songorou, patirin Ku tula ru pagun ti. 10 Paat orou raginio masaboi, moonong ulun mangkimait ra pasambalayan nano matong am sumia' ra kaansayan am kinamio giu' ra tatanga' ru umo ru anggur am puun ru ara min.”
Currently Selected:
JAKARIA 3: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.